मोरङको बूढीगंगाबाट २९ किलो गाँजासहित ३ जना पक्राउ

Share this
720shares
मुलुकी खबर
मुलुकी खबर
clock२०८१ पुस २०, शनिबार ११:४४

विराटनगर । मोरङको बूढीगंगा गाउँपालिका–३ मुडेरीस्थित रमाइलो टोलबाट लागुऔषध गाँजासहित ३ जनालाई प्रहरीले शुक्रबार राति पक्राउ गरेको छ ।

इलाका प्रहरी कार्यालय नेमुवाबाट खटिएको सइ भुवन श्रेष्ठ नेतृत्वको टोलीले २ वटा मोटरसाइकल चेकजाँच गर्दा २९ किलोग्राम गाँजा बरामद भएको थियो । प्रदेश १–०२–०४३ प ५३५८ नम्बरको मोटरसाइकल र प्रदेश १–०२–०४२ प २७३६ नम्बरको मोटरसाइकल प्रहरीले नियन्त्रणमा लिएको हो ।

दुवै मोटरसाइकल नियन्त्रणमा लिएर चेकजाँच गर्दा २ वटा झोलामा २९ किलोग्राम गाँजा फेला परेको प्रहरीले जनाएको छ । गाँजा भेटिएपछि ५३८५ नम्बरको मोटरसाइकलमा सवार धनकुटाको साँगुरीगढी गाउँपालिका–७ का ३० वर्षीय मोहन राई र २७३६ नम्बरको मोटरसाइकलमा सवार सुनसरीको दुहबी नगरपालिका–६ का २१ वर्षीय विशालकुमार पासवान तथा मोटरसाइकलको पछाडि सवार भारतको अररियाका १९ वर्षीय मुन्नाकुमार पासवानलाई प्रहरीले पक्राउ गरेको हो ।

पक्राउ परेकाको साथबाट गाँजासहित ७३ हजार ५ सय ६० रूपैयाँ नगदसमेत बरामद भएको छ । तीनै जनालाई जिल्ला प्रहरी कार्यालय मोरङमा राखेर थप अनुसन्धान अघि बढाइएको प्रहरीले जनाएको छ ।

तपाइको प्रतिक्रिया
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
© 2024 Muluki Khabar. All Rights Reserved. Design & Develop By: Indesign Media Pvt. Ltd.