कोशी प्रदेशका प्रहरी प्रमुखले दिए यस्तो निर्देशन

Share this
696shares
मुलुकी खबर
मुलुकी खबर
clock२०८१ पुस २७, शनिबार २०:५६

विराटनगर । कोशी प्रदेशका प्रहरी प्रमुख डीआईजी राजन अधिकारीले मातहतका कार्यालय प्रमुखहरुलाई शनिबार निर्देशन दिएका छन् ।

शान्ति सुरक्षा, वर्तमान समसामयिक विषय तथा कार्यसम्पान सम्झौतालाई प्रभावकारी रुपमा कार्यान्वयन गर्न उनको निर्देशन छ । कोशी प्रदेश प्रहरी कार्यालय विराटनगरको सभाहलमा उपस्थित मातहत कार्यालय प्रमुखहरुलाई नागरिकको अपेक्षा बमोजिम छिटो छरितो, शिष्ट, सभ्य र पीडितमैत्री वातावरणमा सेवा प्रदान गर्नका लागि डीआईजी अधिकारीले निर्देशन दिएका हुन् ।

आआफ्नो इलाकामा आवश्यकता अनुसार प्रहरी परिचालन गरी शान्ति सुरक्षा, सवारी दुर्घटना न्यूनीकरण, फरार प्रतिवादी पक्राउ, साइबर अपराध, लागुऔषधको प्रयोग तथा ओसारपसार, ठगी र अन्य अपराधका घटनाहरुलाई नियन्त्रण एवं निरुत्साहित गर्न योजनाबद्ध रुपमा काम गर्न उनले निर्देशन दिए । हिउँदको समयमा लाग्ने विभिन्न मेला पर्वमा प्रहरी जनशक्ति परिचालन गरी सुरक्षा व्यवस्था मजबुत बनाउन, मेलामा प्रहरीको स्टलसमेत राखी सचेतनामूलक पर्चा, पम्प्लेट वितरण गरी आमनागरिकमा सचेतना अभिवृद्धि गर्नुपर्नेमा उनको जोड छ ।

कार्यसम्पादन सम्झौतालाई प्रभावकारी रुपमा कार्यान्वयन गर्न अनुरोध गर्दै अधिकारीले कार्यसम्पादन बमोजिम सर्वोत्कृष्ट कार्य गर्ने कार्यालय प्रमुखलाई पुरस्कृत गरिने बताए । सीमित स्रोत साधनको बाबजुद पनि मेहनतका साथ कोशी प्रदेशमा शान्ति सुरक्षा प्रभावकारी बनाउन महत्वपूर्ण कार्य गर्ने मातहतका कार्यालय प्रमुखहरुप्रति डीआईजी अधिकारीले आभार व्यक्त गरेका छन् ।

कार्यक्रममा नेपाल प्रहरी प्रदेश कार्यालय धरानका प्रमुख एसएसपी जयराज सापकोटा तथा कोशी प्रदेश प्रहरी तालिम केन्द्र विराटनगरका प्रमुख एसएसपी अविनारायण काफ्लेलगायतका प्रहरी अधिकारीको उपस्थिति थियो ।

तपाइको प्रतिक्रिया
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
© 2024 Muluki Khabar. All Rights Reserved. Design & Develop By: Indesign Media Pvt. Ltd.