
काठमाडौं । काठमाडौंको स्वर्णलक्ष्मी बचत तथा ऋण सहकारी संस्थाको रकम हिनामिना प्रकरणमा अदालतमा आफै हाजिर भएका राष्ट्रिय स्वतन्त्र पार्टीका सभापति तथा पूर्वगृहमन्त्री रवि लामिछाने अझै दुई दिन न्यायीक हिरासतमा रहने भएका छन् ।
थुनछेक बहस नसकिएपछि उनी हिरासतमा रहने भएका हुन् ।
बिहीबार सूर्यदर्शन सहकारीको रकम अपचलन आरोपमा ६५ लाख धरौटीमा रिहा भएका रवि आइतबार स्वर्णलक्ष्मीको बयानका लागि काठमाडौं जिल्ला अदालतमा उपस्थित भएका थिए ।
आइतबार न्यायाधीश माधवप्रसाद अधिकारीको इजलासमा उनको बयान भएको थियो । आजबाट बहस सुरु भयो । सुरुमा पीडित र सरकारी वकिलको बहस गरे, समय अभावका कारण लामिछाने पक्षधरले आज बहस गर्न पाएनन् ।
मंगलबार सार्वजनिक बिदामा रहने भएकाले लामिछाने बुधबारसम्म न्यायीक हिरासतमा रहनेछन् । बुधबारबाट उनको निरन्तर सुनुवाइ हुनेछ ।

























