
चितवन । चितवनमा भैँसी चराउन गएका पुरुषको गैँडाको आक्रमणबाट मंगलबार दिउँसो मृत्यु भएको छ ।
भैँसी चराइरहेका बेला गैँडाले आक्रमण गर्दा माडी नगरपालिका–३ का करिब ५६ वर्षीय छविलाल बोटेको मृत्यु भएको प्रहरीले जनाएको छ । चितवन राष्ट्रिय निकुञ्जसँगै रहेको रिउ खोलाको काँसघारीमा बोटेलाई गैँडाले आक्रमण गरेको थियो ।
आक्रमणबाट उनको घटनास्थलमै मृत्यु भएको जानकारी प्रहरीले दिएको छ । प्रहरी टोली घटनास्थलतर्फ गइसकेको छ । घटनाको थप अनुसन्धान भइरहेको प्रहरीले जनाएको छ ।

























