
विराटनगर । नेपाल प्रहरीको एसएसपी (प्रहरी वरिष्ठ उपरीक्षक)मा बढुवा सिफारिस भएका एसपी (प्रहरी उपरीक्षक) प्रभुप्रसाद ढकाललाई कोशी प्रदेशका प्रहरी प्रमुख डीआईजी (प्रहरी नायव महानिरीक्षक) राजन अधिकारीले बधाई दिएका छन् ।
प्रदेश प्रहरी कार्यालय विराटनगरमा धन्यवाद तथा शुभकामना कार्यक्रमको आयोजना गरेर सोमबार ढकाललाई अधिकारीले बधाई एवं शुभकामना दिएका हुन् । डीआईजी अधिकारीले ढकाललाई मायाको चिनोसमेत प्रदान गरेका छन् । एसपी ढकाल इलाम प्रहरी प्रमुख थिए ।
ढकाल नेपाल प्रहरीको जनपद समूहतर्फको एसपीबाट पुस २९ गते एसएसपी बढुवाका लागि सिफारिस भएका हुन् । ढकालसँगै अन्य २५ जना एसपीहरु एसएसपी बढुवाका लागि सिफारिसमा परेका थिए ।
धन्यवाद तथा शुभकामना कार्यक्रममा प्रदेश प्रहरी प्रवक्ता एसएसपी भीमबहादुर दाहाल, एसपी हरि डंगोललगायतका सिनियर तथा जुनियर प्रहरी अधिकृत उपस्थित थिए ।

























