रवि लामिछाने जोडिएको सहकारीको मुद्दा : उच्च अदालतले मगायो कैफियत प्रतिवेदन

Share this
647shares
मुलुकी खबर
मुलुकी खबर
clock२०८१ माघ ८, मंगलबार १५:१८

पोखरा । पोखराको सूर्यदर्शन सहकारी ठगी प्रकरणसँग जोडिएको मुद्दामा जिल्ला अदालत कास्कीले गरेको आदेशको कैफियत प्रतिवेदन उच्च अदालत पोखराले मगाएको छ ।

उक्त सहकारी ठगी प्रकरणमा पूर्वगृहमन्त्री एवं राष्ट्रिय स्वतन्त्र पार्टी (रास्वपा)का सभापति रवि लामिछानेलगायत जोडिएका छन् । लामिछानेलगायत ७ जनालाई धरौटीमा छाड्न जिल्ला अदालत कास्कीका न्यायाधीश नितिज राईको इजलासले गत पुस २५ गते आदेश दिएको थियो ।

जिल्लाको आदेश बेरितको रहेको भन्दै उच्च सरकारी वकिल कार्यालय पोखराले उक्त आदेश बदर गरेर प्रतिवादीलाई थुनामै पठाउनुपर्ने माग गर्दै उच्च अदालत पोखरामा निवेदन दिएको थियो । त्यसमा सुनुवाइ गर्दै उच्च अदालत पोखराका न्यायाधीश राजुकुमार खतिवडाको इजलासले १५ दिनभित्र कैफियत प्रतिवेदन बुझाउन मंगलबार आदेश दिएको हो ।

उच्च अदालतका सूचना अधिकारी नीलप्रसाद पनेरुका अनुसार उच्चले जिल्ला अदालतसँग कैफियत प्रतिवेदन माग गरेको छ । जिल्लाले सक्कल मिसिलसहितको प्रतिवेदन पठाएपछि मुद्दाको बहस उच्चमा हुने उनको भनाइ छ ।

जिल्ला अदालतको आदेशपछि लामिछाने ६५ लाख, पूर्वडीआईजी छविलाल जोशी ८८ लाख, उनका सहयोगी रामबहादुर खनाल १५ लाख, जीबी राईकी सहयोगी लीला पछाईं ३७ लाख, मीना गुरुङ ५ लाख, कृष्णबहादुर गुरुङ १ लाख र आरती गुरुङ ५ लाख धरौटी बुझाएर छुटेका थिए । उक्त आदेश बेरितको रहेकोको भन्दै बदर हुनुपर्ने र सबै प्रतिवादीलाई थुनामा पठाउनुपर्ने मागसहित उच्च सरकारी वकिल कार्यालयले उच्च अदालतमा सोमबार निवेदन दिएको हो ।

 

 

तपाइको प्रतिक्रिया
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
© 2024 Muluki Khabar. All Rights Reserved. Design & Develop By: Indesign Media Pvt. Ltd.