
काठमाडौं । थुनछेक बहसका लागि बिहीबार अदालतमा उपस्थित हुने शर्तमा राष्ट्रिय स्वतन्त्र पार्टी (रास्वपा)का सभापति रवि लामिछाने रुपन्देही जिल्ला अदालतबाट छुटेका छन् ।
जिल्ला अदालतका न्यायाधीश प्रल्हादकुमार योगीको इजलासले बिहीबार उपस्थित हुने शर्तमा श्रीमती निकिता पौडेल लामिछाने र कानुन व्यवसायीलाई जिम्मा लगाउने आदेश गरेको थियो । लगतै उनी छुटेका हुन् ।
अदालतका सूचना अधिकारी अनन्तराज मरासिनीका अनुसार अदालतमा आज हाजिर भएका लामिछानेको बयान भएको थियो । भोलि थुनछेक बहस हुनेछ ।
बुटवलको सुप्रिम बचत तथा ऋण सहकारी संस्थाको बचत अपचलनको आरोप लामिछानेमाथि छ ।

























