धरानमा मोटरसाइकल दुर्घटना, दुई जना प्रहरी गम्भीर घाइते

Share this
681shares
मुलुकी खबर
मुलुकी खबर
clock२०८१ माघ १३, आइतबार ०६:५५

विराटनगर । सुनसरीको धरानमा शनिबार राति मोटरसाइकल दुर्घटना हुँदा ड्युटीमा खटिएका दुई जना प्रहरी गम्भीर घाइते भएका छन् ।

कोशी लोकमार्गअन्तर्गत धरान उपमहानगरपालिका–८ भोटेपुलमा राति ११ः४५ बजेतिर को २० प ६५६२ नम्बरको मोटरसाइकल दुर्घटना भएको प्रहरीले जनाएको छ । इलाका प्रहरी कार्यालय धरानबाट भोटेपुलतर्फ जाँदै गरेको मोटरसाइकल अचानक टायर पन्चर भएर दुर्घटनामा परेको हो ।

दुर्घटनामा झापाको प्रहरी चौकी महेशपुर दरबन्दी भइ इलाका प्रहरी कार्यालय धरानमा कार्यरत प्रहरी सहायक हवल्दार ताप्लेजुङको फुङलिङ नगरपालिका–२ का अन्दाजी ३४ वर्षीय आइतराज लिम्बू र पछाडि सवार इलाका प्रहरी कार्यालय धरानमा कार्यरत प्रहरी हवल्दार सप्तरी घर भएका अन्दाजी ३९ वर्षीय सुर्तीलाल चौधरी गम्भीर घाइते भएका छन् । टाउकोमा चोट लागेका दुवै जनालाई उपचारका लागि बीपी कोइराला स्वास्थ्य विज्ञान प्रतिष्ठान लगिएको छ ।

दुवै जनाको अवस्था गम्भीर रहेको इलाका प्रहरी कार्यालय धरानले जनाएको छ । दुर्घटनाग्रस्त मोटरसाइकल इलाका प्रहरी कार्यालय धरानको नियन्त्रणमा छ । प्रहरीले घटनाको अनुसन्धान सुरु गरेको छ । प्रारम्भिक अनुसन्धानबाट टायर पन्चर हुँदा मोटरसाइकल दुर्घटनामा परेको पत्ता लागेको छ ।

तपाइको प्रतिक्रिया
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
© 2024 Muluki Khabar. All Rights Reserved. Design & Develop By: Indesign Media Pvt. Ltd.