मुलुकभर आज सहिद दिवस मनाइँदै

Share this
673shares
मुलुकी खबर
मुलुकी खबर
clock२०८१ माघ १६, बुधबार ०६:३७

काठमाडौं । मुलुकभर आज (बुधबार) सहिद दिवस मनाइँदै छ । प्रजातन्त्र स्थापना एवं पुनःस्थापना तथा विभिन्न कालखण्डमा स्वतन्त्रताका लागि जीवन आहुति दिने सहिदको सम्झनामा प्रत्येक वर्ष माघ १६ गते सहिद दिवस मनाउने गरिन्छ ।

देशभर विविध कार्यक्रम गरेर सहिदको सम्मानमा दिवस मनाइन्छ । विक्रम संवत २००७ मा प्रजातन्त्र प्राप्त भएपछि दिवस मनाउन थालिएको हो । सहिदकै बलिदानीका कारण मुलुकमा प्रजातन्त्र स्थापन भएको थियो ।

सहिदका सपना पूरा गर्नेतर्फ भने राजनीतिक दलहरुले ध्यान दिइरहेका छैनन् । प्रतिबद्धता भने निरन्तर गरिरहन्छन् । माघ १० देखि १६ गतेसम्म सहिद सप्ताह नै घोषणा गरेर विविध कार्यक्रमहरु भइरहेका छन् ।

स्वतन्त्रताको माग गर्ने योद्धाहरु शुक्रराज शास्त्री, धर्मभक्त माथेमा, गंगालाल श्रेष्ठ एवं दशरथ चन्दलाई राणा शासकले मृत्युदण्ड दिएका थिए । शास्त्रीलाई लाई विक्रम संवत १९९७ माघ १० गते काठमाडौंको टेकुस्थित पचलीमा, माथेमालाई माघ १३ गते सिफलमा र श्रेष्ठ एवं चन्दलाई माघ १५ गते शोभा भगवतीमा मृत्युदण्ड दिइएको थियो ।

ज्ञातअज्ञात सहिदप्रति श्रद्धाञ्जली अर्पण गर्न सहिद दिवसका अवसर पारेर आज विभिन्न ठाउँमा प्रभातफेरिलगायतका कार्यक्रम आयोजना गरिँदै छ । प्रधानमन्त्री, मन्त्री, सरकारका उच्च पदस्थ अधिकारी, जनप्रतिनिधि, सुरक्षा निकायको ब्यान्ड टोली र मार्चपास टोलीसहितको प्रभातफेरि काठमाडौंमा निकालिने छ ।

विसं २०६३ अघि सहिद दिवसका दिन राज्यका तर्फबाट सहिद गेटमा विशेष कार्यक्रम गरी दिवस मनाइन्थ्यो । त्यसपछि भने लैनचौरस्थित सहिद स्मारकमा विशेष कार्यक्रम हुन थालेको छ ।

सहिद गेटमा पनि विभिन्न संघसंस्थाले कार्यक्रम गरी दिवस मनाउने गरेका छन् । पछिल्लो समय नारायणहिटी दरबार संग्रहालय परिसरमा निर्माण भएको गणतन्त्र स्मारकमा सहिदप्रति श्रद्धाञ्जली गर्ने स्थल राख्ने घोषणा गरिएको छ ।

स्मारकमा राष्ट्रपति, उपराष्ट्रपति, प्रधानमन्त्री, मन्त्रीलगायत उच्च पदस्थले शपथ लिएपछि सहिदलाई श्रद्धाञ्जलि अर्पण गर्ने गरी तयारी गरिएको छ । विदेशी पाहुना आउँदा स्वतन्त्रताका लागि जीवन अर्पण गर्ने सहिदको सम्झना स्वरुप पुष्पगुच्छा अर्पण गर्ने स्थल बनाइने छ ।

तपाइको प्रतिक्रिया
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.