
काठमाडौं । देशका अधिकांश स्थानमा आज (सोमबार) मौसम सामान्यतया सफा रहने पूर्वानुमान गरिएको छ । नेपालमा कुनै पनि मौसमी प्रणालीको उल्लेखनीय प्रभाव नरहेको मौसम पूर्वानुमान महाशाखाले जनाएको छ ।
मौसमी प्रणाली निष्कृयजस्तै हुँदा मौसम सफा रहने अनुमान गरिएएको हो । बिहान पहाडी तथा हिमाली भू–भागको मौसम मुख्यतया सफा रहेको छ । तराईका अधिकांश स्थानमा हुस्सु र कुहिरो लागेको छ ।
दिउँसो लुम्बिनी, कर्णाली र सुदूरपश्चिम प्रदेशका केही स्थानमा भने आंशिक बदली हुने सम्भावना छ। हिमपात र वर्षाको सम्भावना भने छैन ।
पश्चिमी न्यून चापीय प्रणाली भित्रिएर भोलि (मंगलबार)देखि केही स्थानमा वर्षा हुने सम्भावना छ । पश्चिम नेपालका केही स्थानमा वर्षा हुने पूर्वानुमान गरिएको हो । नयाँ मौसमी प्रणालीले देशभर आंशिक बदली र केही स्थानमा वर्षा हुने सम्भावना रहेको हो ।
पश्चिमी न्यून चापीय प्रणालीका कारण गण्डकी प्रदेशका एक दुई स्थानमा वर्षा र हिमपातको सम्भावना छ । लुम्बिनीका केही भागमा वर्षाको सम्भावना छ । कर्णाली र सदूरपश्चिमका केही स्थानमा वर्षा र हिमपातको सम्भावना रहेको मौसमविद्हरु बताउँछन् ।

























