
काठमाडौं । मौसम पूर्वानुमान महाशाखाका अनुसार आज (मंगलबार) पनि देशमा पश्चिमी न्यून चापीय प्रणालीको प्रभाव कायमै रहेको छ ।
जसका कारण सुदूरपश्चिम, कर्णाली र गण्डकी प्रदेशका पहाडी क्षेत्रमा आंशिकदेखि सामान्य बदली रहेको छ । बाँकी भू–भागमा मुख्यतः सफा रहेको छ। तराई भागमा हुस्सु र कुहिरो लागेको छ ।
दिउँसो कोशी, मधेस, बागमती र लुम्बिनी प्रदेशमा आंशिक बदली रहने पूर्वानुमान गरिएको छ । गण्डकी, कर्णाली र सुदूरपश्चिम प्रदेशका हिमाली क्षेत्रमा आंशिकदेखि सामान्य बदली रहनुका साथै केही स्थानमा हल्का हिमपात हुनसक्ने महाशाखाले जनाएको छ ।
सुदूरपश्चिम र कर्णाली प्रदेशमा छिटपुट वर्षाको सम्भावना रहेको छ । रातिसमेत हल्का वर्षा र हिमपात हुने पूर्वानुमान गरिएको छ । उच्च पहाडी तथा हिमाली भू–भागमा हल्कादेखि मध्यम हिमपात हुनसक्ने सम्भावना छ ।

























