अर्कालाई बढुवाका लागि ठाउँ खाली गराइदिन एआईजी केसीले दिए राजीनामा

Share this
693shares
मुलुकी खबर
मुलुकी खबर
clock२०८१ माघ २७, आइतबार २०:०९

विराटनगर । अर्का व्यक्तिलाई बढुवाका लागि ठाउँ खाली गराउनकै लागि नेपाल प्रहरीका एआईजी (प्रहरी अतिरिक्त महानिरीक्षक) रवीन्द्र केसीले राजीनामा दिएका छन् ।

सेवाअवधि बाँकी रहँदै उनले प्रहरी प्रधान कार्यालयमा राजीनामा बुझाएका हुन् । एआईजी केसीले राजीनामा बुझाएको नेपाल प्रहरीका प्रवक्ता डीआईजी (प्रहरी नायव महानिरीक्षक) दिनेशकुमार आचार्यले पुष्टि गरे । मुलुकी खबरसँग कुरा गर्दै आचार्यले भने, ‘उहाँ (केसी)ले राजीनामा दिनु भएको कुरा मैले पनि सुनेको छु । तर, राजीनामा दिनुको कारण थाहा भएन । घरयासी कारणले हुनसक्छ ।’

प्रहरी प्रधान कार्यालयमै रहेको प्रदेश समन्वय विभागमा कार्यरत केसीको सेवाअवधि आगामी चैत ५ गतेसम्मको
थियो । तर, अवकाशमा जाने समय बाँकी छँदै उनले राजीनामा दिएका छन् । उनले गत शुक्रबार राजीनामा बुझाएका हुन् । मन्त्रिपरिषद्ले निर्णय गरेपछि मात्रै एआईजी केसीको राजीनामा स्वीकृत भएर उनी अवकाशमा जान्छन् ।

राजीनामापत्र मन्त्रिपरिषद्मा पेस गर्ने तयारी भइरहेको प्रहरी प्रधान कार्यालय स्रोतले बतायो । मन्त्रिपरिषद्को पुस २६ गते बसेको बैठकले उनलाई एआईजीमा बढुवा गर्ने निर्णय लिएको थियो । एआईजी बढुवा भएको १ महिनामै उनले राजीनामा दिएका हुन् ।

प्रहरी प्रधान कार्यालय स्रोतका अनुसार अर्का व्यक्तिलाई एआईजीमा बढुवाका लागि ठाउँ खाली गरिदिन केसीले राजीनामा बुझाएका हुन् । उनको राजीनामा स्वीकृत भएपछि डीआईजी जनक भट्टराईलाई एआईजी बन्न बाटो खुल्ने छ ।

स्रोतका अनुसार एआईजी बनाउने बेलामै भट्टराईका लागि राजीनामा दिने सर्तमा केसीलाई बढुवा गरिएको थियो । उनी पूरै समय सेवामा रहँदा भट्टराईले एआईजी हुन पाउँदैनन् । हाल कर्णाली प्रदेश प्रहरी प्रमुख रहेका भट्टराईलाई एआईजी बनाउनकै लागि केसीलाई राजीनामा गराइएको स्रोतको दाबी छ ।

भट्टराई पनि ३० बर्से सेवाअवधिका कारण आगामी चैत ५ गते अवकाशमा जाँदैछन् । केसीलाई राजीनामा दिन लगाएर उनका लागि एआईजी सुरक्षित गरिएको उच्च प्रहरी स्रोतले बतायो । अबदेखि नेपाल प्रहरीमा पनि अर्का व्यक्तिलाई बढुवा गर्न सेवाअघि नै राजीनामा दिने प्रचलन बसेको छ ।

नेपाल प्रहरीमा यसअघि त्यस्तो चलन थिएन । निजामतीतर्फ भने सेवाअवधि बाँकी रहे पनि राजीनामा दिन लगाएर अर्को व्यक्तिलाई बढुवा गर्ने चलन थियो । राजीनामा दिएकालाई भने अन्यत्र नियुक्ति दिइन्थ्यो ।

यस विषयमा बुझ्न खोज्दा एआईजी केसीसँग सम्पर्क हुन सकेन । बारम्बार गरेको फोन उनले उठाएनन् ।

 

तपाइको प्रतिक्रिया
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.