
विराटनगर । धनकुटामा रोकेर राखेको प्रहरीको गाडीलाई आइतबार राति स्कुटरले ठक्कर दिएको छ ।
धनकुटा नगरपालिका–५ तल्लो कोप्चेस्थित भित्री सडक खण्डमा प्रदेश १–०२–०४९ प ७०९४ नम्बरको स्कुटरले को १ झ ६०९ नम्बरको गाडीलाई राति ८ः१० बजेतिर ठक्कर दिएको हो । धनकुटा बसपार्कबाट बिहीबारे हटियातर्फ जाँदै गरेको स्कुटरले सडकको छेउमा रोकेर राखेको जिल्ला प्रहरी कार्यालय धनकुटाको मोबायल गाडीलाई ठक्कर दिएको प्रहरीले जनाएको छ ।
स्कुटरले ठक्कर दिँदा गाडीको बायाँतर्फको ढोकामा क्षति भएको छ । स्कुटर र चालक धनकुटा–७ का २२ वर्षीय अनन्त काफ्लेलाई प्रहरीलाई नियन्त्रणमा लिएको छ । मानवीय क्षति नभएको र घटनाको अनुसन्धान भइरहेको जिल्ला प्रहरी कार्यालय धनकुटाले जनाएको छ ।

























