
विराटनगर । मोरङको सुनवर्षी नगरपालिका– ८ को सिक्टीमा जारी मुस्लिम समुदायको इज्तिमा सहभागी संख्या ३० हजार पुगेकाे छ । इज्तिमा साेमबारबाट सुरु भएकाे थियाे ।
बुधबारसम्म चल्ने इज्तिमा स्थल सीमावर्ती क्षेत्रमा छ । माेरङका प्रमुख जिल्ला अधिकारी इन्द्रदेव यादवका अनुसार कार्यक्रम स्थलबाट भारतीय सीमा अढाइ किलाेमिटर टाढा छ । सीमावर्ती क्षेत्रमा कार्यक्रम भएकाले उच्च सतर्कता अपनाइएकाे उनले बताए ।
इज्तिमामा सहभागी ३० हजार मध्ये करिब १४ हजार नेपाली नागरिक छन् । बाँकी भारतबाट १६ हजार सहभागी भएका छन् । प्रमुख जिल्ला अधिकारी यादव नेपाल भारत बाहेक अन्य देशका नागरिकलाई प्रवेश निषेध गरिएकाे बताउँछन् ।
‘नाकामा आधार कार्ड र परिचय पत्र हेरेर मात्रै प्रवेश दिइरहेका छाैं, नेपाल र भारत बाहेक अन्य देशका नागरिक सहभागी छैनन,’उनले भने,’ हामीले उच्च सतर्कता अपनाएका छाैं ।’

























