मुलुकका ९ स्थानमा वायु प्रदूषण उच्च

Share this
733shares
मुलुकी खबर
मुलुकी खबर
clock२०८१ फागुन २, शुक्रबार ०७:४४

काठमाडौं । मुलुकभरका ९ स्थानमा वायु प्रदूषण उच्च रहेको छ । पोखरा, भक्तपुर, काठमाडौं, भैंसेपाटी, हेटौंडा, रत्नपार्क, खुमल्टार, भरतपुर र धनगढी वायु प्रदूषणको चपेटामा परेका छन् ।

अझ पोखराको स्थिति निक्कै खराब छ । प्रदूषित सहरमध्ये पोखरा पहिलो स्थानमा छ । गण्डकी प्रदेशको राजधानीसमेत रहेको पोखरा लगातार ३ दिनदेखि वायु प्रदूषण उच्च रहेका सहरमध्ये पहिलो नम्बरमा रहेको हो ।

वन तथा वातावरण मन्त्रालय, वातावरण विभागअन्तर्गतको वायु गुणस्तर निगरानीले शुक्रबार बिहान पौने ६ बजेसम्म पोखराको वायु प्रदूषण २०३ एक्यूआई मापन गरेको छ । विभागले यसलाई ३ दिनयताकै सबैभन्दा खराब सूचकांक भनेको छ ।

वायु प्रदूषण भक्तपुरको १८६, काठमाडौं शंखपार्कको १८९, ललितपुर भैंसेपाटीको १७९, हेटौंडाको १७४, रत्नपार्कको १७१, खुमल्टारको १६९, भरतपुरको १६४ र धनगढी क्षेत्रको १६२ एक्यूआई मापन गरिएको छ ।

५० एक्यूआईभन्दा माथि प्रदूषण सूचकांक कटेमा उक्त वायुलाई अस्वस्थ मानिन्छ । ३०१ एक्यूआई भएमा खतरनाक तहमा पुगेको मानिन्छ ।

वायू प्रदूषणले मानव स्वास्थ्यमा नकारात्मक असर पार्ने र विशेष गरी बालबालिका, वृद्धवृद्धा एवं श्वासप्रश्वास र मुटुका बिरामी, गर्भवती महिलाहरुलाई बढी प्रभाव पार्ने भएकाले विशेष सावधानी अपनाउन विभागले अनुरोध गरेको छ ।

 

तपाइको प्रतिक्रिया
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.