
ताप्लेजुङ । ताप्लेजुङको पाथीभरा क्षेत्रमा हिमपात भएको छ । शनिबार राति सामान्य वर्षा भएको थियो ।
वर्षापछि हिमपात भएको स्थानीयले बताए । पाथीभरा क्षेत्र विकास समितिका कर्मचारी राजेन्द्र महतले यसवर्ष पाथीभरामा तेस्रोपटक हिमपात भएको जानकारी दिए ।
‘अहिले सामान्य वर्षासँगै हिमपात भएको छ । यसअघि पुस र माघमा २ पटक हिमपात भएको थियो । यो वर्ष तेस्रोपटक हिमपात भएको छ,’ उनले भने ।
पाथीभरा ३ हजार ७ सय ९४ मिटरको उचाइमा छ । हिमपातसँगै त्यो क्षेत्रमा अत्यधिक चिसो बढेको छ । हिउँ परेपछि पाथीभरामा आन्तरिक धार्मिक पर्यटकको संख्या बढ्ने गरेको स्थानीयले बताए ।

























