
काठमाडौं । काठमाडौंको शंखरापुर नगरपालिका–५ मा गत बुधबार बस दुर्घटनामा परेर घाइते भएका थप १ जना बालकको मृत्यु भएको छ ।
उपचारको क्रममा मेडिसिटी अस्पतालमा १० वर्षीय सनसाइन तामाङको मृत्यु भएको हो । तामाङसँगै मृत्यु हुनेको संख्या ४ पुगेको छ ।
दुर्घटनामा परेर यसअघि ११ वर्षीय विद्यार्थी क्रिष्टलल पुरी, १४ वर्षीय सुशांक डोटेल र २३ वर्षीय सुरेश तामाङको मृत्यु भएको थियो । नगरकोट पिकनिक गएर फर्किने क्रममा चाबहिलको एसएस एकेडमीका विद्यार्थी बोकेको बस माघ ३० गते दुर्घटनामा परेको थियो ।
बा २ ख ७९५८ नम्बरको बसमा ४३ जना सवार थिए । दुर्घटना भएको दिन ३ जनाको मृत्यु भएको थियो । आइतबार थप १ जनाको मृत्यु भएको हो । अन्य घाइतेको विभिन्न अस्पतालमा उपचार जारी छ ।

























