भद्रपुर झापा गोल्डकपः पाहुना टोली चर्च ब्वाइजलाई हराउँदै झापा ११ सेमिफाइनलमा  

Share this
671shares
मुलुकी खबर
मुलुकी खबर
clock२०८१ फागुन १०, शनिबार २०:२३

झापा । झापाको भद्रपुरमा जारी ‘भद्रपुर झापा गोल्डकप’ फुटबल प्रतियोगिताको सेमिफाइनलमा झापा ११ एफसी पुगेको छ । 

शुक्रबार (आज) भएको खेलमा पाहुना टोली ‘ए’ डिभिजन लिग विजेता चर्च ब्वाइज युनाइटेडलाई पराजित गर्दै झापा ११ ले अन्तिम ४ मा स्थान सुरक्षित पारेको हो । 

झापा ११ ले चर्च ब्वाइजलाई २–१ को गोल अन्तरमा जिते निकालेको हो । झापाले यसअघि मछिन्द्र एफसीलाई हराएको थियो । पहिलो हाफ १–१ गोलको बराबरीमा दुवै टोली खेलको थिए । 

खेलको १४ औं मिनेटमा झापाका एरोन थापाले गोल गर्दै टिमलाई अग्रता दिलाए । चर्च ब्वाइजका गोलकिपर कृसल मोक्तान अगाडि बढेको अवस्थामा थापाले मैदानको मध्य भागबाट लगेको बललाई जाली चुमाए ।

४१ औं मिनेटमा चर्च ब्वाइजका विक्रम धिमालले गोल गर्दै खेललाई बराबरी पारे । झापाका प्रदीप बुढाथोकीले चर्चका सुजन डंगोललाई फाउल गरेपछि पाएको फ्रिकिकमा एरिक विष्टको प्रहारलाई सदुपयोग गरी धिमालले गोल गरेका थिए ।

७९ औं मिनेटमा झापाका कप्तान पेमा तामाङले टिमका लागि गोल थप्दै गोल संख्या दोब्बर पारे । चर्चका गोलकिपर मोक्तानले पञ्च गरेको बल किलियर नहुँदा तामाङले गोल गर्दै २–१ को अवस्थामा ल्याए ।

घरेलु दर्शकको समर्थन रहेको झापाले गोल गर्ने केही अवसरहरू गुमाएको थियो । खेलको प्लेयर अफ द म्याच झापा ११ का पेमा तामाङले २१ हजार र ट्रफी प्राप्त गरे । 

प्रतियोगिताअन्तर्गत आइतबारको तेस्रो क्वाटरफाइनल खेल न्यू रोड टिम (एनआरटी) र बंगलादेशको काउरन बाजार प्रगति संघबीच हुने गोल्डकपका सचिव तीर्थराज ढकालले जानकारी दिए ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.