कोशीको खेलकुद महोत्सव : महिला फुटबलको उपाधि झापालाई

Share this
785shares
मुलुकी खबर
मुलुकी खबर
clock२०८१ फागुन १९, सोमबार ०७:०६

विराटनगर । प्रथम कोशी प्रदेश खेलकुद महोत्सव, २०८१ अन्तर्गतको प्रदेशस्तरीय महिला फुटबल प्रतियोगिताको उपाधि झापाले जितेको छ ।

विराटनगरस्थित सहिद रंगशालामा आइतबार सम्पन्न प्रतियोगिताको फाइनलमा पाँचथरलाई ३–० गोल अन्तरले पराजित गर्दै झापाले उपाधि उचालेको हो । खेलको सुरुवात देखिनै पाँचथरमाथि हाबी भएको झापाले पहिलो हाफमै जेनिफर मगरको गोलबाट अग्रता लिएको थियो ।

मध्यान्तरपछि पूर्णिमा राई र जेनिफर मगरले १–१ गोल थपेर झापाको जित नश्चित गराए । फाइनल खेलको ‘वुमन अफ दी म्याच ‘ झापाकी मनिता तुम्रुक र प्रतियोगिताको सर्वोत्कृष्ट खेलाडी तथा सर्वाधिक गोलकर्ता झापाकी जेनिफर मगर घोषित भएका छन् । मगरले प्रतियोगिताभर ६ गोल गरिन् ।

प्रतियोगिताको उत्कृष्ट गोलरक्षक झापाकी सुशीला चौधरी, उत्कृष्ट डिफेन्स झापाकी नेहा चौधरी, उत्कृष्ट मिडफिलडर झापाकी सिम्रन राई, उत्कृष्ट स्ट्राइकर झापाकी पूर्णिमा राई र उत्कृष्ट प्रशिक्षक झापाका शान्तबहादुर रायमाझी घोषित भएका छन् । उपाधि उचालेको झापाले नगद १ लाख, ट्रफी र प्रमाणपत्र प्राप्त गर्यो ।

उपविजेता बनेको पाँचथरले नगद ५० हजार, ट्रफी र मेडलमा चित्त बुुझायो । प्रतियोगिताको सर्वोत्कृष्ट खेलाडीलाई नगद २० हजार र अन्य विधामा उत्कृष्ट हुनेलाई नगद १० हजार प्रदान गरियो ।

विजेतालगायत उत्कृष्ट खेलाडीहरुलाई कोशी प्रदेशका आर्थिक मामिला तथा योजनामन्त्री रामबहादुर मगर, सामाजिक विकासमन्त्री पाँचकर्ण राई , राज्यमन्त्री सिर्जना राई , खेलकुद विकास बोर्डका उपाध्यक्ष विन्दिया कार्की र सदस्य सचिव कृष्ण बस्नेत (पर्शुराम)लगायतले पुरस्कार प्रदान गरेका छन् ।

फागुन १३ गतेबाट सुरु भएको खेलकुद महोत्सवमा प्रदेशस्तरीय महिला फुटबल , महिला तथा पुरुष दौड , पुरुष कबड्डी, भेट्रान बाघचाल, महिला तथा पुरुष टेबल टेनिस, महिला तथा पुरुष बुद्धिचाल, महिला तथा पुरुष कराँते, महिला तथा पुरुष तेक्वान्दो, पुरुष सफ्टटेनिस र डोरीतानलगायतका प्रतियोगिता गरिएको छ । खेलकुद महोत्सव आइतबार सकिएको छ ।

तपाइको प्रतिक्रिया
इन्टरनेट सेवा प्रदायकलाई १० दिनभित्र दस्तुरको विवरण बुझाउन प्राधिकरणको निर्देशन
सुनको मूल्य घट्यो
सीओपीडी रोगको जोखिम र समयमै उपचारबारे जनचेतना र्‍याली
गौरको कानुपट्टी सीमा क्षेत्रबाट ९ एमएमका २७ थान गोली बरामद
कार्कीको रिटमा सर्वोच्चमा प्रारम्भिक सुनुवाइ हुँदै
राष्ट्रिय आविष्कार केन्द्रबाट कम्प्युटर चोरी, सीसीटीभीमा कैद भयो घटना
पाँच स्थानीय तह भूमिसम्बन्धी समस्यामुक्त घोषणा
रुसमा सैन्य कार्गो विमान दुर्घटना, चालक दलसहित १९ जनाको मृत्यु
एनपिएलमा अनलाइन सट्टेबाजी गरेको आरोपमा भारतीय नागरिक पक्राउ  
विराटनगरलाई लजिस्टिक हब बनाउन कार्गो रेल सञ्चालनमा जोड
© 2024 Muluki Khabar. All Rights Reserved. Design & Develop By: Indesign Media Pvt. Ltd.