धर्मश्रीको प्रिजजिङ राउन्ड सम्पन्न

Share this
756shares
मुलुकी खबर
मुलुकी खबर
clock२०८१ चैत ९, शनिबार ०९:३५

काठमाडौं । काठमाडौंमा जारी १७औं धर्मश्री शारीरिक सुगठन प्रतियोगिताको मिस्टर धर्मश्रीको प्रिजजिङ राउन्ड सम्पन्न भएको छ ।

नेपालकै जेठो व्ययामशाला नेपाल व्यायाम मन्दिरको आयोजनामा भइरहेको प्रतियोगिताका लागि प्रिजजिङ राउन्ड सम्पन्न भएको हो ।

प्रिजजिङ राउन्डबाट ६० केजी तौलमा नेपाल व्यायाम मन्दिरका सुरेन्द्रप्रसाद बर्मा, पोखराको रत्नश्री जिमका सुजन थापा, भक्तपुरको उज्ज्वल जिमका नरेश दिवाकर, नर्भ द फिटनेसबाट सिद्धान्त जस रोटिया, मेटल फिटनेसका किसन दास दिवाकर र बी एन्ड एल फिटनेस स्टेसनका धर्मराज खापुङ अन्तिम चरणका लागि छनोट भएका छन् ।

६५ केजी तौलसमूहमा डेयर टु फिट जिमका अजय मलिक, व्यायाम मन्दिरबाट सुरेश मुनिकार, मिस्का फिटनेसका माधव सुवेदी र कलंकी जिमका मिलन राईले पनि अन्तिम चरणको यात्रा तय गरे।

यसै तौलबाट व्यायाम मन्दिरबाट क्षितिज थापा र भूमि जिम एन्ड फिटनेसका नवराज दुम्रे छनोट भएका छन् ।

७० केजी तौलसमूहमा व्यायाम मन्दिरका अतिश बज्राचार्य र आशिष देवा, टोटल फिजिकल फिटनेसका कविराज कटुवाल, प्लाटिनम फिटनेसका दीपजंग रोकामगर, युआर फिटनेसका उपेश सापकोटा र मसल्स एन्ड फिटनेका असिमबाबु गुरुङ दोस्रो चरणमा प्रवेश गर्न सफल भए ।

७५ केजी तौलसमूहबाट पनि ६ खेलाडीले अन्तिम चरणको यात्रा तय गरे। व्यायाम मन्दिरका मनोस श्रेष्ठ, प्लाटिनियमका विनोद सुनार र सन्तोष श्रेष्ठ, सुपर फिटनेसका ब्रिखमान गुरुङ, कोको फिटनेसका पुष्प शंकर र चितवन फिजिकल फिटनेसका मरिचमान लामा छन् ।

त्यस्तै , ८० केजी तौलसमूहमा व्यायाम मन्दिरका आदित्य ठाकुर र सञ्जीव श्रेष्ठ, फिटनेसका अनिष थापा, आइरन जिमका शिशिर थापामगर, मत्स्यनारायण रिक्रियसन सेन्टरका विक्रम गोपाली र ग्यालेक्सी फिटनेसका ललित धिमालले पनि सफलता पाएका छन्।

व्यायाम मन्दिरका ग्रेस महर्जन र सुवास श्रेष्ठ, गोर्खाली फिटनेसका उमेश राई, पावर फिजिकल फिटनेसका सागर श्रेष्ठ, किङ्स अफ फिटनेसका कुशलप्रसाद गुरुङ र इगल फिटनेस एन्ड जिमका रामशरण महर्जनले ८० केजीमाथि तौलसमूहको अन्तिम चरणमा प्रतिस्पर्धा गर्ने भएका छन् ।

हरेक तौलसमूहका विजेताबीच ओभरअल मिस्टर धर्मश्रीका लागि प्रतिस्पर्धा हुनेछ ।

धर्मश्रीको विजेताले ११ किलो वजन रहेको ट्रफीसहित नगद १२ लाख प्राप्त गर्नेछन् । दोस्रो हुनेले ६ लाख, तेस्रो हुनेले ३ लाख, चौथो हुनेले २ लाख, पाँचौं हुनेले १ लाख ८० हजार र छैटौं हुनेले १ लाख ५० हजार रूपैयाँ प्राप्त गर्नेछन् । तौलसमूहमा दोस्रो, तेस्रो, चौथो, पाँचौं र छैटौं हुनेले क्रमशः ५० हजार, ४० हजार, ३० हजार, २० हजार र १५ हजार प्राप्त गर्ने भएका छन् ।

खुलातर्फ पाटन जिमकी रिपु घर्ती, कम्पिट्ली हेल्थ क्लबकी शान्ता पालिखे, डिभाइन फिजिकल फिटनेसकी शिला ठकुरी र उर्मिला श्रेष्ठ, क्लब डिस्पिराडोकी तारा खाइजु र प्लाटिनियमकी सोफिया कार्की शाहले अन्तिम चरणमा स्थान बनाएका छन् ।

मास्टर्स खुलातर्फ व्यायाम मन्दिरका सुरज श्रेष्ठ, कृष्णसिंह शाही, किशोर शाही र राजकुमार राई, काठमाडौं जिमका राजकुमार शाही र फिटनेस फ्याक्ट्रीका खिमलाल पुन छनोट भए । पुरुष स्पोट्स फिजिक १७० मुनिको समूहमा पावर फिजिकल फिटनेसका आकाश श्रेष्ठ, एनआरके फिटनेसका रोहित थापा, आर्मीका रमेश फोम्बो, एनवाइएफसीका निरल थापा, गोल्स जिमका श्रीजन महर्जन र आइरन पाराडाइज फिटनेसका ज्ञानेश्वर चौधरीले सफलता पाएका छन् ।

१७० माथिको समूहमा गोल्डस जिमका रमन तुलाधर, मसल्स एन्ड फिटनेसका औतार श्रेष्ठ, फिट टु फिटनेसका लक्ष्मीदत्त पन्त, एक्सपोज जिमका पुकार शाक्य, व्ययाम मन्दिरका शिवकुमार सिंह र आरएनएफसीका नुरबहादुर कुँवरले पनि अन्तिम चरणमा स्थान पक्का गरेका छन् ।

मेन्स एथलेटिक फिजिक ओभर र अन्डर तथा वुमेन्स बडिबिल्डिङको विजेताले समान २ लाख र उपविजेताले समान १ लाख रूपैयाँ नगद पाउनेछन् । तेस्रोले ७० हजार, चौथोले ५० हजार, पाँचौंले ४० हजार र छैटौंले ३० हजार रूपैयाँ प्राप्त गर्नेछन् । ५० वर्षभन्दा माथिका खुला मास्टर विजेताले नगद १ लाख, दोस्रोले ५० हजार, तेस्रोले ३० हजार, चौथोले २५ हजार, पाँचौंले १५ हजार र छैटौंले १० हजार हात पार्नेछन् ।

यसपल्ट सबै विधाको शीर्ष ६ सम्मका खेलाडीले नगद पुरस्कार पाउने आयोजकले जनाएको छ ।

मेन्स फिजिक प्रतियोगितालाई काठमाडौं महानगरपालिकाका पूर्वमेयर पिएल सिंहको नाममा पिएल सिंह मेन्स फिजिक प्रतियोगिता राखिएको छ। १७औं धर्मश्रीको मुख्य प्रायोजकमा काठमाडौं महानगरपालिका हो ।

शनिबार (आज) फाइनल चरणका खेल कमलादीस्थित प्रज्ञा प्रतिष्ठानमा हुनेछ ।

तपाइको प्रतिक्रिया
सुनको मूल्य तोलामा ६ हजार ३०० रुपैयाँले घट्यो
सीओपीडी रोगको जोखिम र समयमै उपचारबारे जनचेतना र्‍याली
गौरको कानुपट्टी सीमा क्षेत्रबाट ९ एमएमका २७ थान गोली बरामद
कार्कीको रिटमा सर्वोच्चमा प्रारम्भिक सुनुवाइ हुँदै
राष्ट्रिय आविष्कार केन्द्रबाट कम्प्युटर चोरी, सीसीटीभीमा कैद भयो घटना
पाँच स्थानीय तह भूमिसम्बन्धी समस्यामुक्त घोषणा
रुसमा सैन्य कार्गो विमान दुर्घटना, चालक दलसहित १९ जनाको मृत्यु
एनपिएलमा अनलाइन सट्टेबाजी गरेको आरोपमा भारतीय नागरिक पक्राउ  
विराटनगरलाई लजिस्टिक हब बनाउन कार्गो रेल सञ्चालनमा जोड
मोरङ र उदयपुरमा दुर्घटना : तीन जना घाइते, दुईको अवस्था गम्भीर
© 2024 Muluki Khabar. All Rights Reserved. Design & Develop By: Indesign Media Pvt. Ltd.