प्रदेश स्तरीय क्रिकेटको मंगलबार उद्‌घाटन खेलमा इलाम र उदयपुर भिड्दै 

Share this
709shares
मुलुकी खबर
मुलुकी खबर
clock२०८१ चैत ११, सोमबार १९:१४

विराटनगर । प्रदेश स्तरीय टी २० क्रिकेट प्रतियोगिता विराटनगर–१९ वैजनाथपुरको गिरिजाप्रसाद कोइराला रंगशालामा मंगलबारदेखि सुरु हुँदैछ । 

मिल्स क्रिकेट क्लब एन्ड एकेडेमीले आयोजना गरेको प्रतियोगिताको उद्‌घाटन खेल इलाम र उदयपुरबीच हुने एकेडेमीका सचिव शान्त जोशीले जानकारी दिए ।  

कोशी प्रदेशमा क्रिकेट खेलको विकास र प्रवर्धन गर्ने उद्देश्यले आयोजना गरिएको प्रतियोगिताको सम्पूर्ण तयारी पूरा भएको आयोजकले जनाएको छ । 

चैत १६ गतेसम्म हुने प्रतियोगितामा सुनसरी, झापा, आयोजक मिल्स क्रिकेट क्लब एण्ड एकेडेमी, मोरङ, इलाम र उदयपुरको सहभागिता रहेको छ । 

प्रतियोगिता लिगको आधारमा हुनेछ । प्रतियोगिताको विजेताले १ लाख १ हजार र उपविजेताले ५१ हजारका साथै मेडल, ट्रफी प्राप्त गर्ने छन् ।

म्यान अफ द सिरिजले १५ हजार पाउने छन् भने बेस्ट ब्याट्समेन, बेस्ट बलरले जनही ११ हजार पुरस्कार पाउने छन् । खेलको म्यान अफ द म्याच हुने खेलाडीले २ हजार ५ सय प्राप्त गर्ने छन् । 

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.