टी–२० क्रिकेट : इलामको रोमाञ्चक जित

Share this
763shares
मुलुकी खबर
मुलुकी खबर
clock२०८१ चैत १४, बिहीबार १६:२५

विराटनगर । विराटनगरमा सुरु भएको प्रदेशस्तरीय टी– २० क्रिकेट प्रतियोगितामा इलामले रोमाञ्चक जित निकालेको छ । मोरङलाई ६ रनले पराजित गर्दै इलाम अघि बढेको हो ।

विराटनगरको वैजनाथपुर क्रिकेट मैदानमा बिहीबार भएको पहिलो खेलमा जितसँगै इमालले २ अंक जोडेको छ । इलाम यसअघि उद्घाटन खेलमा उदयपुरसँग पराजित भएको थियो ।

इलामले दिएको ११४ रनको विजय लक्ष्य पछ्याएको मोरङ निर्धारित २० ओभरमा ५ विकेटको क्षतिमा १०७ रनमा सीमित भयो । मोरङका सन्तोष चौधरीले ४० बलमा ३९ रन बनाए । उनले २ चौका र १ छक्का प्रहार गरे । मिनाष थापाले २२ बलमा ३२ रनको योगदान दिए ।

इलामका विशाल आचार्य र प्रज्जवल खत्रीले समान २–२ विकेट लिए । लभ कामतले १ विकेट लिए । ब्याटिङ गरेको इलामले १९.दशमलव ६ ओभरमा सबै विकेट गुमाउँदै ११३ रन बनाएको थियो । जसमा सिवान्स बजगाईंले सर्वाधिक ३० रन बनाए । उनले २७ बलमा ५ चौका प्रहार गरे ।

इलामका लभ कामतले ३० बलमा २६ रन पारी खेल्दा सुशान्त सापकोटाले १७ बलमा १६ रनको योगदान दिए । मोरङका बलर अर्मन अली र मिनाष थापाले समान ३–३ विकेट लिए । खेलको प्लयेर अफ दी म्याच इलामका लभ कामत घोषित भए ।

कामतले नगद २ हजार ५ सय रूपैयाँ पाए । दोस्रो खेलमा सुनसरी र झापाबीच प्रतिस्पर्धा भएको छ ।

तपाइको प्रतिक्रिया
गौरको कानुपट्टी सीमा क्षेत्रबाट ९ एमएमका २७ थान गोली बरामद
कार्कीको रिटमा सर्वोच्चमा प्रारम्भिक सुनुवाइ हुँदै
राष्ट्रिय आविष्कार केन्द्रबाट कम्प्युटर चोरी, सीसीटीभीमा कैद भयो घटना
पाँच स्थानीय तह भूमिसम्बन्धी समस्यामुक्त घोषणा
रुसमा सैन्य कार्गो विमान दुर्घटना, चालक दलसहित १९ जनाको मृत्यु
एनपिएलमा अनलाइन सट्टेबाजी गरेको आरोपमा भारतीय नागरिक पक्राउ  
विराटनगरलाई लजिस्टिक हब बनाउन कार्गो रेल सञ्चालनमा जोड
मोरङ र उदयपुरमा दुर्घटना : तीन जना घाइते, दुईको अवस्था गम्भीर
स्थानीय चुनावको तयारीमा एमाले, बुधबारदेखि राष्ट्रिय भेला
विराटनगरमा कराँते छनोटका क्रममा खेलाडी घाइते
© 2024 Muluki Khabar. All Rights Reserved. Design & Develop By: Indesign Media Pvt. Ltd.