टी–२० क्रिकेट : आयोजक च्याम्पियन

Share this
728shares
मुलुकी खबर
मुलुकी खबर
clock२०८१ चैत १६, शनिबार १८:१८

विराटनगर । आयोजक मिल्स क्रिकेट क्लब एन्ड एकाडेमी प्रदेश स्तरीय टी– २० क्रिकेट प्रतियोगिताको च्याम्पियन बनेको छ ।

विराटनगरको वैजनाथपुर क्रिकेट मैदानमा शनिबार सम्पन्न फाइलन भिडन्तमा घरेलु टिम मोरङलाई २ विकेटले पराजित गर्दै आयोजकले उपाधि उचालेको हो । जितसँगै आयोजकले नगद १ लाख १ हजार रुपैया हात पार्यो । उपविजेता बनेको मोरङले नगद ५१ हजार रुपैयाँमा चित्त बुझायो ।

मोरङले दिएको १२० रनको लक्ष्य आयोजकले १९.५ ओभरमा ८ विकेटको क्षतिमा पूरा गर्यो । आयोजकको जितमा कृष शर्माले २४ रन बनाए । उनले १९ बलमा २ चौका प्रहार गरे ।

सौगात भट्टराईले अविजित १८ बलमा १९ रनको योगदान दिए । उनले १ चौका प्रहार गरे । उनी खेलको प्लयेर अफ दी फाइनल घोषित भए । प्रशान साहले अविजित १२ बलमा १३ रन पारी खेल्दा सागर मोचेले १८ बलमा १६ रनको योगदान दिए । निरज मुखियाले ६ बलमा १४ रन र मुकुन्द यादवले १३ बलमा १० रन बनाए ।

मोरङका बलर मेहबुब इराकी २ ओभरमा २१ रन खर्चेर २ विकेट लिए । एरन अलीले ३.५ ओभरमा २२ रन खर्चेर २ विकेट लिए । टस जितेर ब्याटिङ थालेको मोरङले २० ओभरमा ७ विकेटको क्षतिमा ११९ रनको मध्यम योगफल बनाएको थियो ।

कमलदेव चौधरीले अविजित ४२ बलमा ४३ रन बनाएका थिए । उनले ४ चौका र १ छक्का प्रहार गरे । कृतिक कामतले ४३ बलमा ३४ रन बनाए । उनले २ चौका हिर्काए । कपिल मण्डलले अविजित १० बलमा २५ रनको योगदान दिए । मोरङका अरु ब्याटरले दोहोरो अंक ल्याउन सकेनन् ।

आयोजकका जोशक खड्काले ४ ओभरमा १६ रन खर्चेर २ विकेट लिए भने प्रशान्त साह र सौगात भट्टराईले समान १ –१ विकेट लिए ।

खेलको प्यलेर अफ दी सिरिज मोरङ जिल्लाका मिनष थापा घोषित भए । उनले नगद १५ हजार पाए । बेस्ट ब्याटर आयोजकका मुकुन यादव र बेस्ट बलर उदयपुर जिल्लाका तेज आचार्य घोषित भए । उनीहरुले जनही ११ हजार रुपैयाँ पाए ।

मिल्स क्रिकेट क्लब एन्ड एकाडेमीको आयोजना र प्रदेश खेलकुद विकास बोर्डको संयोजनामा चैत १२ गतेदेखि प्रतियोगिता भएको हो । प्रतियोगितामा क्यान आबद्ध ६ वटा जिल्लाको सहभागिता रहेको थियो ।

प्रतियोगिताको विजेता टिम र खेलाडीलाई कोशी प्रदेश खेलकुद विकास बोर्डका उपाध्यक्ष बिन्ध्या कार्की, जिल्ला खेलकुद विकास समिति मोरङका सदस्य शान्ता जोशी, मिल्स क्रिकेट क्लब एन्ड एकाडेमीका अध्यक्ष मुरारी चौधरीलगायतले पुरस्कार वितरण गरेका छन् ।

यसअघिको समाचारमा पराजित हुनुपर्ने टिम मोरङ हुनुपर्नेमा अन्यथा भएकाले सच्याइएको छ । स.

तपाइको प्रतिक्रिया
गौरको कानुपट्टी सीमा क्षेत्रबाट ९ एमएमका २७ थान गोली बरामद
कार्कीको रिटमा सर्वोच्चमा प्रारम्भिक सुनुवाइ हुँदै
राष्ट्रिय आविष्कार केन्द्रबाट कम्प्युटर चोरी, सीसीटीभीमा कैद भयो घटना
पाँच स्थानीय तह भूमिसम्बन्धी समस्यामुक्त घोषणा
रुसमा सैन्य कार्गो विमान दुर्घटना, चालक दलसहित १९ जनाको मृत्यु
एनपिएलमा अनलाइन सट्टेबाजी गरेको आरोपमा भारतीय नागरिक पक्राउ  
विराटनगरलाई लजिस्टिक हब बनाउन कार्गो रेल सञ्चालनमा जोड
मोरङ र उदयपुरमा दुर्घटना : तीन जना घाइते, दुईको अवस्था गम्भीर
स्थानीय चुनावको तयारीमा एमाले, बुधबारदेखि राष्ट्रिय भेला
विराटनगरमा कराँते छनोटका क्रममा खेलाडी घाइते
© 2024 Muluki Khabar. All Rights Reserved. Design & Develop By: Indesign Media Pvt. Ltd.