इक्युवालिटी कप क्रिकेटको उद्घाटनमा इलाम र सप्तरी भिड्ने

Share this
716shares
मुलुकी खबर
मुलुकी खबर
clock२०८१ चैत १७, आइतबार १८:५८

विराटनगर । विराटनगरमा आयोजना हुने चौथो संस्करणको ‘इक्युवालिटी कप क्रिकेट, २०२५’ प्रतियोगिताको उद्घाटन खेलमा इलाम र सप्तरी भिड्ने भएका छन् ।

नेपाल क्रिकेट फाउण्डेशनले सोमबारदेखि प्रतियोगिता आयोजना गर्दै छ । फाउण्डेशनले आइतबार पत्रकार सम्मेलनको आयोजना गर्दै विराटनगर महानगरपालिका–६ मा रहेको म्यारिलिबोन ज्वाला क्रिकेट मैदानमा प्रतियोगिता हुने जानकारी दिएको छ ।

फाउण्डेशनका संयोजक मन्दिप साहका अनुसार प्रतियोगितामा कोशी प्रदेशका मोरङ र इलाम तथा मधेस प्रदेशका सिरहा र सप्तरीका महिला टिमहरू सहभागी हुनेछन् । ४ वटै जिल्लाका क्रिकेट संघले पठाएका टिमहरूबीच लिगको आधारमा प्रतिस्पर्धा हुने छ । सोमबार २ खेल हुने छन् । पहिलो खेल इलाम र सप्तरीबीच हुने छ भने दोस्रो खेल मोरङ र सिराहाबीच हुने छ ।

फाउण्डेशनले म्यारिलीबोन क्रिकेट क्लब फाउण्डेशन र क्रिकेट विथआउट बाउण्ड्रीजको सहयोगमा क्रिकेटमा महिलाको सहभागिता अभिवृद्धि अभियानअन्तर्गत इक्युवालिटी कप क्रिकेट आयोजना गर्दै आएको साहले बताए । उनका अनुसार यस आयोजनामार्फत उत्पादन भएका महिला खेलाडीहरु देशको प्रतिनिधित्व गर्दै अन्तर्राष्ट्रियस्तरको क्रिकेट खेल्न सफल भएका छन् ।

फाउण्डेसनकी बोर्ड सदस्य स्नेहा गुवाजुका अनुसार नवप्रतिभा पहिचानको लक्ष्यका साथ प्रतियोगिता आयोजना गर्न लागिएको हो । यस प्रतियोगिताले खेलाडी उत्पादनमा टेवा र्पुयाएको उनको भनाइ छ ।

मोरङका सानु राजवंशी, निरु राजवंशी (काजल) र पूर्णिमा राजवंशीले ठूला प्रतियोगिता खेल्न पाएको उनले सुनाइन् । फाउण्डेशनले सानै उमेरका बालिका तथा युवतीहरूका लागि क्रिकेट प्रशिक्षणदेखि लैंगिक संवेदनशीलता सम्बन्धी कार्यशाला पनि सञ्चालन गर्दै आएको छ ।

विराटनगर महानगर प्रमुख नागेश कोइरालाले उद्घाटन गर्ने प्रतियोगितामा लिग चरणका ६ र फाइनलसहित जम्मा ७ वटा खेल हुने छन् । इक्युवालिटी कप महिला क्रिकेट प्रतियोगिता महिला सशक्तीकरण र समानताको सन्देश दिने महत्वपूर्ण प्लेटफर्म बन्दै गएको गुवाजुको भनाइ छ ।

उनका अनुसार यस प्रतियोगिताले ग्रामीण क्षेत्रका युवतीहरूलाई राष्ट्रिय तथा अन्तर्राष्ट्रियस्तरमा आफ्नो प्रतिभा देखाउने अवसर प्रदान गरेको छ । प्रतियोगिता सञ्चालनका लागि साढे ६ लाख रूपैयाँ खर्च हुने अनुमान गरिएको छ । तेस्रो संस्करणको उपाधि भने मोरङले हात पारेको थियो ।

तपाइको प्रतिक्रिया
गौरको कानुपट्टी सीमा क्षेत्रबाट ९ एमएमका २७ थान गोली बरामद
कार्कीको रिटमा सर्वोच्चमा प्रारम्भिक सुनुवाइ हुँदै
राष्ट्रिय आविष्कार केन्द्रबाट कम्प्युटर चोरी, सीसीटीभीमा कैद भयो घटना
पाँच स्थानीय तह भूमिसम्बन्धी समस्यामुक्त घोषणा
रुसमा सैन्य कार्गो विमान दुर्घटना, चालक दलसहित १९ जनाको मृत्यु
एनपिएलमा अनलाइन सट्टेबाजी गरेको आरोपमा भारतीय नागरिक पक्राउ  
विराटनगरलाई लजिस्टिक हब बनाउन कार्गो रेल सञ्चालनमा जोड
मोरङ र उदयपुरमा दुर्घटना : तीन जना घाइते, दुईको अवस्था गम्भीर
स्थानीय चुनावको तयारीमा एमाले, बुधबारदेखि राष्ट्रिय भेला
विराटनगरमा कराँते छनोटका क्रममा खेलाडी घाइते
© 2024 Muluki Khabar. All Rights Reserved. Design & Develop By: Indesign Media Pvt. Ltd.