‘नकाबधारी समाज !’

Share this
697shares
मुलुकी खबर
अजिता प्रधान
clock२०८२ साउन ३१, शनिबार १४:४८

यहाँ गजबको दुनिया छ
जिउँदो हुँदा आलोचना तिरस्कार
मरेपछि फूल चढाउँछन्,
आँसु बगाउँदै बिचरा बनाउँछन्
अनि फूलमाला र अबिर दलेर सम्मानका
साथ काँधमा बोकेर घाटसम्म पुर्याउँछन्
उदेक लाग्छ समाजको यो अभिनय देख्दा
कहिले–कहिले त लाग्छ
जिउँदो हुनुभन्दा मर्नुमै सम्मान रहेछ !

झुपडीभित्र भोकभोकै मर्छन्
कोही यसो चियाउनसम्म आउँदैनन्
उस्ले खायो खाएन के–के समस्या थिए उस्का
कस्तो परिस्थितिमा उ बाँचेको थियो
कसैलाई पर्वाह हुँदैन
जब मृत्यु हुन्छ, तब कठैबरा बिचरा र असल
व्यक्तिको पहिचान दिन्छन्
न उस्ले देख्छ
न त केही सुन्छ
सिता–सिताको निम्ति तड्पिदै मर्छ
अनि मानाचामलको रास आउँछ
जिउँदो हुन्जेल एक घुड्की पानीसम्म नसोध्ने
मृत्युपछि तपाईंको सम्झनामा गाउँघर–छरछिमेक
बटुलेर भोज गराइन्छ !

जिउँदो रहँदा तपाईंको कमजोर
र कमसल भनेर गनिन्छ
मरेपछि तपाईंको सम्झना बढाइचढाइ बताइन्छ
कसै–कसैले आँखादेखि आँसु बगाएको
अभिनय गर्नसम्म पनि पछि हट्दैनन्
झुठो समाजको फोस्रो स्वाङ
कस्तो उदेक लाग्दो समाज हो यो ?
सत्य बोल्नेलाई कठघरामा उभ्याइन्छ
र मृत्युपछि पितृ मानेर पुजिन्छ
नाटक पनि कति हदसम्म हो
बुझ्नै नसकिने यो नकाबधारी समाजको !!

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.