लघुकथा : ‘शृङ्गार’

Share this
714shares
मुलुकी खबर
सबिना श्रेष्ठ
clock२०८२ भदौ ७, शनिबार १५:४४

सरल स्वाभकी डुमिसा सानैदेखि पढाइमा निकै रुचि राख्थिन् । गरिब परिवारमा जन्मेकी उनलाई साथीहरुले हेप्थे । स्कुलमा शिक्षकले पनि वास्तै गर्दैन थिए ।

गाउँको परिवेश अनुसार उनका बाले सानै उमेरमा बिहे गरिदिए । त्यतिबेला उनको उमेर मात्रै १५ वर्ष थियो । सानै उमेर । त्यहाँमाथि गरिबीको चपेटा । तर, बिहेपछि पनि धेरै सपना बुन्न भने छाडिनन् ।

सदा रातो शृङ्गारमा सजिएर बस्ने रहर थियो । तर, उनलाई श्रीमानले कहिलेपनि केही किनेर ल्याइदिँदैन थिए । कहिल्यै गुनासो भने नगर्ने उनको बानी थियो ।

त्यति नै बेला छोरीको जन्म भयो । सुखदुःख सबै झेल्दै आए पनि नोकरी गरेको पैसा बचाएर घर बनाइन् । दुखै दुःखको लहरामा जेलिएर भएपनि समाजमा चिनिँदै गइन् । प्रगतिको पाइलामा साथ दिने मान्छेहरू पनि भेटिँदै गए ।

पत्रपत्रिका पढ्नु, बेला–बेला आफै पनि लेख्नु, कार्यक्रममा भाग लिनु आदि कुरा उनका अनपढ श्रीमानलाई भने पटक्कै मन परेको थिएन । कहिलेकाहीँ त झगडा पनि पर्दथ्यो । आत्महत्या गर्ने सोच बनाउँथिन् । तर, छोरीको मुहार सामुन्ने आउँथ्यो ।

चाडबाड आउँछ । माइत जाने बेला होस् या मठमन्दिर जाने बेलामा होस् उनी साधारण पहिरन र फाटेको चप्पलमै जान्थिन् । यो देखेर छोरीले सोधिन्, ‘आमा, सबै जना रातो पहिरनमा सजिन्छन् । हजुरले चाहिँ किन फाटेको मात्र लगाउनु हुन्छ ? राम्रो साडी किन नलगाएको ?’

उनले भनिन्, ‘जुन पुरुषको शब्दकोशमा माया भन्ने शब्द नै छैन, त्यो महिलाले के राम्रो झिल्लिक्क लगाउनु ?,’ बुरुक्क उफ्रदै छोरीले सोधिन्, ‘आमा हजुरको यो शब्द बुझ्न अब म कुन स्कुल जानु ?’

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.