विराटनगरका हार्डवेयर व्यवसायीलाई १ अर्ब ४० करोड जरिबाना र ६ महिना कैद सजाय

Share this
821shares
मुलुकी खबर
मुलुकी खबर
clock२०८२ भदौ १८, बुधबार २०:०५

विराटनगर । विराटनगरका हार्डवेयर तथा मार्बल व्यवसायी सौरभकुमार बियानीलाई नक्कली भ्याट बिलमार्फत कारोबार गरेको आरोपमा १ अर्ब ४० करोड रुपैयाँ बिगो जरिबाना र ६ महिना कैद सजाय तोकिएको छ ।

आन्तरिक राजस्व कार्यालय विराटनगरले भन्सार विभागको समन्वयमा उक्त फैसला गरेको हो । गत असार १६ गते पक्राउ परेका बियानीविरुद्ध प्रारम्भिक छानबिनमा १ अर्ब ३१ करोड बिगो तोकिएको थियो ।

तर, विस्तृत अनुसन्धानपछि साउन २८ गते अन्तिम निर्णय सुनाउँदै उनलाई थप ९ करोड रुपैयाँ बिगो थपिएको छ । बिगो रकम बुझाउन नसकेपछि उनलाई कारागार चलान गरियो ।

बियानी विराटनगर महानगरपालिका–१० का स्थायी बासिन्दा भए पनि हाल विराटनगर–७ हाटखोलामा बस्दै आएका थिए । उनले आफू सञ्चालक रहेको ‘न्यू सौरभ ट्रेडिङ’ र ‘बियानी एन्ड ब्रदर्स हार्डवेयर एन्ड मार्बल’मार्फत नक्कली बिल प्रयोग गरेर कारोबार गरेको प्रमाण फेला परेको आन्तरिक राजस्व विभागका महानिर्देशक मदन दाहालले जानकारी दिए । उनका अनुसार यो प्रकरणसँग जोडिएका अन्य फर्महरूको विषयमा अझै अनुसन्धान जारी छ ।

यसैबीच, बियानी पक्राउ पर्दा कार्यालयका प्रमुख भुपालराज शाक्य थिए भने हाल उनको स्थानमा केशवकुमार उप्रेती कार्यभार सम्हालिरहेका छन् । नयाँ प्रमुखले यस मुद्दाको बाँकी अनुसन्धानलाई अगाडि बढाउने विभागले जनाएको छ ।

राजस्व कार्यालयले दिएको निर्णयसँग असन्तुष्ट पक्षले पुनरावलोकनका लागि विभागमा अपिल गर्न सक्ने व्यवस्था छ । तर, त्यसका लागि तोकिएको बिगो रकमको २५ प्रतिशत धरौटी बुझाउनुपर्ने हुन्छ । विभागकै निर्णय चित्त नबुझे ‘राजस्व न्यायाधीकरण’मा मुद्दा लैजान सकिन्छ ।

न्यायाधीकरणको मुख्य कार्यालय काठमाडौंमा भए पनि विराटनगरमै यसको शाखा रहेको छ । अन्ततः न्यायाधीकरणको निर्णय पनि चित्त नबुझ्दा सर्वोच्च अदालतमा अपिल गर्न सकिने कानुनी व्यवस्था छ ।

नक्कली भ्याट बिल भन्नाले वास्तविक कारोबार नगरी पनि कारोबार भएको देखाउने काल्पनिक बिजकलाई जनाइन्छ । यस्ता बिलमा खरिद वा बिक्री नहुँदा पनि सामान किनेको वा बेचेको देखाइन्छ । जसका कारण कर छली हुने गर्छ ।

सामान्यतया यस्ता बिल सक्कलीजस्तै देखिने भएकाले सजिलै पत्ता लगाउन सकिँदैन । तर, कर कार्यालयले अनुसूची–१३ अन्तर्गत व्यवसायीले बुझाएको खरिद–बिक्री विवरण मिलान गर्ने क्रममा ‘मिसम्याच’ देखिएपछि यस्ता अनियमितता खुल्ने गर्छन् । यही प्रक्रियाबाट विराटनगरका बियानीविरुद्धको नक्कली भ्याट बिल प्रकरण बाहिर आएको हो ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.