२०८२ आश्विन २५, शनिबार १५:१४
काठमाडौं । राष्ट्रपति रामचन्द्र पौडेल अस्वस्थ भएपछि महाराजगञ्जस्थित मनमोहन कार्डियोथरासिक भास्कुलर एन्ड ट्रान्सप्लान्ट सेन्टरमा भर्ना गरिएको छ ।
शनिबार बिहान जेनजी प्रतिनिधिहरूसँग छलफलको कार्यक्रम तय भएको थियो । तर, स्वास्थ्यमा समस्या देखिएपछि उनले उक्त बैठक २ दिनका लागि स्थगित गरेका छन् । छलफल सोमबारलाई सारिएको छ ।
राष्ट्रपतिलाई अस्पताल लगिएको केही समयपछि चिकित्सक टोलीले प्रारम्भिक स्वास्थ्य परीक्षण सुरु गरेको अस्पताल स्रोतले जनाएको छ । हाल उनको अवस्था सामान्य रहेको र थप परीक्षण भइरहेको अस्पतालले जनाएको छ ।
राष्ट्रपति पौडेलको स्वास्थ्यबारे चिकित्सक टोलीले आवश्यक परीक्षणपछि विस्तृत जानकारी सार्वजनिक गर्ने तयारी गरेको बताइएको छ । उनले केही दिनदेखि अस्वस्थ महसुस गरिरहेका थिए ।
शीतल निवासका अनुसार चिकित्सकहरूको सल्लाहअनुसार राष्ट्रपतिलाई अस्पताल पुर्याएको हो । हाल उनको उपचार विशेषज्ञ डाक्टरहरूको निगरानीमा भइरहेको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×
×