मोरङबाट १ सय २० किलो गाँजा बरामद

Share this
680shares
मुलुकी खबर
मुलुकी खबर
clock२०८१ भदौ २२, शनिबार १८:२७

विराटनगर । मोरङको धनपालथान गाउँपालिका–१ र जहदा गाउँपालिकाको सिमानाबाट १ सय २० किलोग्राम गाँजा बरामद भएको छ ।

अटो टेम्पोमा राखेर भारत कटाउन लागिएको लागुऔषध गाँजा सशस्त्र प्रहरीले शुक्रबार राति ८ः३० बजेतिर बरामद गरेको हो । सशस्त्र प्रहरी बल मोरङका प्रमुख एसपी विश्व खड्काका अनुसार को २ ह ४०४१ नम्बरको अटोमा लोड गरिएको अवस्थामा गाँजा फेला परेको थियो ।

प्लाष्टिकको ३ वटा बोरामा प्याक गरेको गाँजा १ सय २० किलो रहेको उनले बताए । सशस्त्र प्रहरीको बीओपी (बोर्डर आउट पोस्ट) नोचाबाट खटिएको टोलीले अटोलाई नियन्त्रणमा लिएर खानतलासी गरेको थियो ।

त्यस क्रममा गाँजा फेला परेपछि अटो चालक धनकुटाको साँगुरीगढी गाउँपालिका–८ का २६ वर्षीय दिनेश राईलाई पक्राउ गरिएको एसपी खड्काले बताए । अटोमा २ जना सवार थिए । चालक पक्राउ परेपनि अर्का व्यक्ति फरार रहेको प्रहरीले जनाएको छ ।

प्रहरीका अनुसार फरार भएकाको खोजी जारी राखिएको छ । बरामद भएको गाँजा, नियन्त्रणमा लिएको अटो र पक्राउ परेका चालकलाई सशस्त्रले आवश्यक अनुसन्धान एवं कारबाहीका लागि इलाका प्रहरी कार्यालय रंगेलीको जिम्मा लगाएको छ ।

तपाइको प्रतिक्रिया
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
© 2024 Muluki Khabar. All Rights Reserved. Design & Develop By: Indesign Media Pvt. Ltd.