
काठमाडौं । सर्वोच्च अदालतले मेडिकल व्यवसायी दुर्गा प्रसाईंलाई थुनामुक्त गर्न अस्वीकार गरेको छ ।
प्रसाईंलाई गैरकानुनी थुनामा राखिएको भन्दै उनकै छोरा निराजनले सर्वोच्चमा बन्दी प्रत्यक्षीकरणको रिट दायर गरेका थिए । रिटमाथि प्रारम्भिक सुनुवाइ गर्दै न्यायाधीश प्रकाशमान सिंह राउतको इजलासले अन्तरिम आदेश दिन अस्वीकार गरेको हो।
तर, इजलासले विपक्षीका नाममा कारण देखाउ आदेश भने जारी गरेको छ । प्रहरीको साइबर ब्युरोले प्रसाईंलाई आइतबार पक्राउ गरेको हो । उनीविरुद्ध विद्युतीय कारोबार ऐनअन्तर्गतको मुद्दामा प्रहरीले अनुसन्धान गरिरहेको छ । जिल्ला अदालत काठमाडौंले उनलाई ३ दिन थुनामा राख्न अनुमति दिएको थियो ।

























