
विराटनगर । झापामा मामाघर आएका २ वर्षीय बालकको मृत्यु भएको छ ।
बिहीबार झापा अर्जुनधारा नगरपालिका वडा नम्बर ६ का सवनम मस्कराको २ वर्षीय छोरा शिवयम मस्कराको मामाघरमा फलामको गेटले किचेर मृत्यु भएको हो ।
आमा श्रेया अग्रवालसँग अर्जुनधारा नगरपालिका ६ मा रहेकाे रिषी अग्रवालको (मामाघर) घरमा पाहुना गएका उनलाई खेल्ने क्रममा बिहीबार बेलुका फलामको गेटले खिचेको थियो ।
घटनापछि उनलाई बि एण्ड सी अस्ताल भर्ना गरिएको थियो । उपचारका क्रममा आज बिहान उनको मृत्यु भएको प्रहरीले जनाएको छ ।

























