
काठमाडौं । नागरिक उड्डयन क्षेत्रको अध्ययन एवं विश्लेषण गरी सुरक्षित, भरपर्दो र विश्वसनीय प्रणालीको विकास गर्न सरकारले उच्चस्तरीय अध्ययन तथा सुझाव समिति गठन गर्ने निर्णय गरेको छ ।
शुक्रबार बसेको मन्त्रिपरिषद्को बैठकले सर्वोच्च अदालतका पूर्व न्यायाधीश अनिलकुमार सिन्हाको नेतृत्वमा समिति गठन गर्ने निर्णय गरेको हो ।
सरकारका प्रवक्तासमेत रहेका सूचना तथा सञ्चारमन्त्री पृथ्वी सुब्बा गुरुङका अनुसार समितिमा हवाई व्यवस्थापन विज्ञसदस्यद्धय राजेन्द्रबहादुर सिंह र भेषराज सुवेदी तथा हवाई सुरक्षाविज्ञ सदस्य क्या. रिवाजप्रसाद प्रधान, हवाई सेवा सञ्चालन तथा गुणस्तर व्यवस्थापन विज्ञ सदस्य छन् ।
यस्तै संस्कृति, पर्यटन तथा नागरिक उड्डयन मन्त्रालयका सहसचिव सो समितिका सदस्य सचिव रहेका छन् ।

























