
विराटनगर । महिला साफ च्याम्पियनसिप फुटबलमा आज नेपालले माल्दिभ्ससँग खेल्दैछ । घरेलु मैदानमा दशरथ रंगशालामा आज साँझ साढे ५ बजे खेल सुरु हुनेछ ।
समूह बि मा रहेका दुबै टोलीले एक–एक खेल खेलिसकेका छन् । नेपालले पहिलो खेलमा भुटानसँग गोलरहित बराबरीमा रोकिएको थियो । माल्दिभ्स श्रीलंकासँग १–० ले पराजित भएको थियो ।
समूहमा नेपालको १ अंक छ भने माल्दिभ्सअंकविहीन छ। यो खेल सेमिफाइनल पुग्नका लागि निकै महत्वपूर्ण छ।
तुलानात्मक रुपमा नेपालभन्दा माल्दिभ्स कमजोर छ। आजको खेलमा बराबरी गरे नेपाललाई बेफाइदा हुनेछ । जितको अवस्थामा सेमिफाइनलको बाटो सहज हुनेछ ।
नेपाल साफको ५ वटा संस्करणमा उपविजेता बनेको थियो ।

























