
विराटनगर । नेपालमा जारी साफ महिला च्याम्पियनसिपमा आज घरेलु टोलीले श्रीलंकासँग खेल्दैछ । समूह बी मा रहेको नेपाल र श्रीलंकाको खेल अघि माल्दिभ्स र भुटान खेल्नेछन् ।
त्रिपुरेश्वरस्थित दशरथ रंगशालामा हुने पहिलो खेल अपराह्न साढे एक बजेदेखि शुरु हुने छ भने दोस्रो खेल साढे ५ बजेदेखि शुरु हुने छ ।
समूह बी मा नेपाल २ खेलमा ४ अंकसहित शीर्ष स्थानमा छ । भुटान ४ अंकसहित दोस्रो स्थानमा छ । श्रीलंका २ खेलमा ३ अंकसहित तेस्रो स्थानमा छ । आजको खेलले सेमिफाइनल पुग्ने टोलीको टुंगो लाग्छ ।
नेपालका लागि श्रीलंकासँग बराबरी खेलेमात्र पनि सेमिफाइनलको यात्रा निश्चित हुने छ । भुटान र श्रीलंकाको पनि अन्तिम चारमा पुग्ने सम्भावना छ । माल्दिभ्स भने २ खेलमा पराजित भएका कारण सेमिफाइनलको दौडबाट बाहिरिएको छ ।
जारी प्रतियोगितामा समुह ए बाट बंगलादेश र भारत सेमिफाइनलमा पुगिसकेका छन् । पाकिस्तान समुह चरणबाटै बाहिरिएको छ ।

























