
दार्चुला । दार्चुलामा जिप दुर्घटनामा परेर मृत्यु हुनेको संख्या ७ पुगेको छ । ६ जना गम्भीर घाइते भएका छन् ।
दार्चुलाका डीएसपी प्रकाश दाहालका अनुसार मृत्यु हुनेमा दार्चुलाको शैल्यशिखर नगरपालिका–५ लेकगाउँका ३० वर्षीय वीरेन्द्र रावल, सोही ठाउँका २८ वर्षीय शान्ति रावल, शैल्यशिखर–९ नकतडका ४५ वर्षीय दिलीप विष्ट रहेका छन् ।
त्यस्तै, बैतडीको डिलासैनी–५ का १५ वर्षीय सञ्जीव बोहरा र भारतको उत्तर प्रदेश विजनौर जिल्लाका ४५ वर्षीय मोहमद सफिर र सोही जिल्लाका १८ वर्षीय मोहमद बसिमको मृत्यु भएको प्रहरीले जनाएको छ । मृतक १ जनाको पहिचान खुल्न बाँकी छ ।

























