राजकीय सम्मानका साथ पूर्वसभामुखको अन्त्येष्टि

Share this
642shares
मुलुकी खबर
मुलुकी खबर
clock२०८१ मंसिर ३, सोमबार १५:५६

काठमाडौं । पूर्वसभामुख एवं वरिष्ठ अधिवक्ता दमननाथ ढुंगानाको राजकीय सम्मानका साथ सोमबार अन्त्येष्टि गरिएको छ।

उनको आइतबार दिउँसो निधन भएको थियो । पशुपति आर्यघाटमा सोमबार अपरान्ह अन्त्येष्टि गरिएको हो । उनलाई छोराहरूले दागबत्ती दिएलगत्तै नेपाली सेनाको एक टुकडीले शोकधुन बजाएको थियो।

उनको अन्तिम बिदाइमा मन्त्री, नेपाल सरकारका उच्च पदस्थ अधिकारी, सुरक्षा निकायका प्रमुख, विभिन्न दलका नेता कार्यकर्ता, शुभेच्छुक तथा सर्वसाधारणको बाक्लो उपस्थिति थियो । अन्त्येष्टिअघि ढुंगानको पार्थिव शरीरलाई श्रद्धाञ्जलीका लागि ज्ञानेश्वरस्थित सानो गौचरणमा राखेको थियो। त्यहाँ प्रधानमन्त्री केपी शर्मा ओलीले पार्थिव शरीरमा राष्ट्रिय झण्डा ओढाएर ढुंगानाप्रति श्रद्धाञ्जली अर्पण गरेका थिए ।

सोमबार बिहान आकस्मिक बसेको मन्त्रिपरिषद् बैठकले पूर्वसभामुख ढुंगानाको निधनमा सार्वजनिक बिदा दिने र राजकीय सम्मानका साथ अन्त्येष्टि गर्ने निर्णय लिएको थियो । कलेजोसँग सम्बन्धित समस्याका कारण उपचाररत ढुंगानाको बानेश्वरस्थित फ्रन्टलाइन अस्पतालमा आइतबार निधन भएको हो ।

त्यसपछि उनको पार्थिव शरीर त्रिभुवन विश्वविद्यालय शिक्षण अस्पतालस्थित शव गृहमा राखिएको थियो । सानो गौचरणमा श्रद्धाञ्जलिपछि पशुपति आर्यघाटमा लगेर दाहसंस्कार गरियो ।

विक्रम संवत २०४८ सालमा काठमाडौंको निर्वाचन क्षेत्र नम्बर २ बाट प्रतिनिधिसभा सदस्यमा निर्वाचित भएका उनी २०५१ सम्म नेपालको सभामुख बनेका थिए । नेपालको संसदीय व्यवस्था र प्रजातान्त्रिक मूल्य मान्यतालाई संस्थागत गर्न उनले महत्वपूर्ण भूमिका निर्वाह गरे ।

तपाइको प्रतिक्रिया
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
© 2024 Muluki Khabar. All Rights Reserved. Design & Develop By: Indesign Media Pvt. Ltd.