नेपाल र भारतका सेना प्रमुखबीच आज वार्ता हुँदै

Share this
710shares
मुलुकी खबर
मुलुकी खबर
clock२०८१ मंसिर ६, बिहीबार ११:२८

काठमाडौं । नेपालका प्रधान सेनापति र भारतका स्थल सेना प्रमुखबीच आज (बिहीबार) औपचारिक वार्ता हुँदै छ ।

नेपाली सेनाका प्रधान सेनापति अशोकराज सिग्देल र भारतका सेनाध्यक्ष उपेन्द्र द्विवेदी वर्ता हुन लागेको हो । द्विवेदी ५ दिने भ्रमणका लागि हिजो (बुधबार) नेपाल आएका छन् ।

लामो समयदेखि सहकार्य गर्दै आएका नेपाल र भारतका सैनिक प्रमुखबीच पारस्परिक साझेदारी तथा हितमा केन्द्रित रहेर द्विदेशीय एवं द्विपक्षीय वार्ता हुन लागेको सैनिक प्रवक्ता सहायकरथी गौरवकुमार केसीले जानकारी दिए । उनका अनुसार वार्ता जंगी अड्डामै हुने छ ।

द्विवेदीले आजै राष्ट्रपति रामचन्द्र पौडेलका हातबाट नेपाली सेनाको मानार्थ महारथीको दर्जा प्राप्त गर्ने छन् । द्विवेदी गत असार १६ गते भारतको सेनाध्यक्ष नियुक्त भएका हुन् । उनले अहिले गरेको नेपालको पहिलो औपचारिक भ्रमण हो ।

द्विवेदीले शुक्रबार प्रधानमन्त्री केपी शर्मा ओली र रक्षामन्त्री मानवीर राईसँग बेग्लाबेग्लै भेट गर्ने कार्यक्रम छ । सन् १९५० देखि नेपाल र भारतबीच एक–अर्को देशका सेना प्रमुखलाई मानार्थ महारथीको दर्ज्यानी चिह्न प्रदान गर्ने परम्परा छ ।

खुला सिमाना, समान धार्मिक, सांस्कृति एवं भूगोलले शताब्दीऔँदेखि दुई मुलुकबीचको सम्बन्धलाई अझ सुमधुर तुल्याएको छ । द्विवेदीको भ्रमणले त्यसलाई झन् उचाइमा पुर्याउने विश्वास लिइएको छ ।

 

तपाइको प्रतिक्रिया
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
© 2024 Muluki Khabar. All Rights Reserved. Design & Develop By: Indesign Media Pvt. Ltd.