
विराटनगर । विराटनगरमा सोमबार बिहानका राति कार दुर्घटना भएको छ । कोशी राजमार्गअन्तर्गत विराटनगर महानगरपालिका–४ पिपल चोकनजिकै प्रदेश १–०२–०२९ च २२२१ नम्बरको कार दुर्घटनामा परेको हो ।
प्रहरीका अनुसार उत्तरबाट दक्षिणतर्फ आउँदै गरेको कार आफैं अनियन्त्रित भएर सडकको डीभाईडरमा ठोक्किँदा चालकसहित ४ जना घाइते भएका छन् । दुर्घटनामा चालक विराटनगर–६ का अन्दाजी २६ वर्षीय रियाज आलम, २४ वर्षीय दिलछात हुसेन, २५ वर्षीय अब्दुल रहिम र २७ वर्षीय मोहमद अबुजर घाइते भएको प्रहरीले जनाएको छ ।
प्रहरीका अनुसार घाइते सबैको अवस्था सामान्य छ । उनीहरुको नोबेल शिक्षण अस्पतालमा उपचार भइरहेको छ । कारको तीव्र गतिका कारण दुर्घटना भएको र अनुसन्धान सुरु गरिएको जानकारी प्रहरीले दिएको छ ।

























