
सिरहा। सिरहामा मोटरसाइकल दुर्घटना हुँदा १ जना युवकको मृत्यु भएको छ । २ जना गम्भीर घाइते भएका छन् ।
सिरहा नगरपालिका– ९ गुलरियामा दुर्घटना हुँदा नवराजपुर गाउँपालिका–१ तामासुइयाका ३२ वर्षीय रञ्जित मुखियाको घटनास्थलमै मृत्यु भएको प्रहरीले जनाएको छ । प्रहरीका अनुसार मोटरसाइकलमा सवार नवराजपुर–१ का ३५ वर्षीय अरबेन्द्र यादव र ३७ वर्षीय रामबाबु साह घाइते भएका छन् ।
उनीहरुको न्युरो अस्पताल विराटनगरमा उपचार भइरहेको छ । शुक्रबार राति दुर्घटनामा परेको मोटरसाइकलको नम्बर खुलेको छैन ।

























