थ्रीस्टारले  जित्यो विराट गाेल्डकपकाे उपाधि

Share this
734shares
मुलुकी खबर
मुलुकी खबर
clock२०८१ फागुन २८, बुधबार २०:५७

विराटनगर । थ्रीस्टार क्बलले ९ औं संस्करणको विराट गोल्डकप फुटबल प्रतियोगिताको उपाधि जितेको छ ।

विराटनगरको सहिद रंगशालामा बुधबार राति सम्पन्न फाइनल खेलमा सहिद स्मारक ‘ए’ डिभिजन लिग च्याम्पियन चर्च ब्वाइज युनाइटेडलाई २-० गोल अन्तरले पराजित गर्दै थ्रीस्टार च्याम्पियन बनेको हो । थ्रीस्टारले यसअघि विराट गोल्डकपको ५ औं संस्करणको उपाधि जितेको थियाे ।

थ्रीस्टारलाई ९ औं संस्करणको उपाधि दिलाउन खेमराज श्रेष्ठ र दिपेश घलेले समान १–१ गोल गरे । थ्रीस्टारले खेल सुरु भएको पाँचौं मिनेटमा अग्रता लियो । नवीन लामाले निकालेको क्रस पासलाई खेमराजले चलाखीपूर्ण ढंगले पोस्टको दिशा दिएका थिए ।

थ्रीस्टारले दोस्रो गोल ६३ औं मिनेटमा गर्यो । दिपेश घलेले वान भर्सेस वानमा डी–बक्स भित्रबाट गरेको प्रहार चर्च ब्वाइजका गोलरक्षक टीकेन्द्र थापालाई लागेर फर्किएको थियो ।

फर्किएको बललाई पुनः दिपेशले प्रहार गर्दै जाली चुमाए । उनले गरेको गोल टिमलाई उपाधि दिलाउन सफल भए ।

उपाधिसँगै थ्रीस्टारले नगद ११ लाख रुपैयाँसहित ट्रफी प्राप्त गरेको छ । उपविजेता चर्च ब्वाइजले नगद ५ लाख रूपैयाँमा चित्त बुझायो । थ्रीस्टार पाँचौं संस्करणको विराट गोल्डकपको उपाधि जितेको थियो । त्यसबेला आर्मीलाई ३–० गोलले फाइलनमा हराउँदै थ्रीस्टारले उपाधि हात पारेको थियो ।

चर्च ब्वाइज पहिलोपटक विराट गोल्डकपको उपाधि जित्ने लक्ष्य राखेर मैदान प्रवेश गरेको थियो । तर, उपाधिको निर्णायक भिडन्तमा चर्च ब्वाइजले बलियो चुनौती पेस गर्न सकेनन ।

थ्रीस्टारले मछिन्द्र र त्रिभुवन आर्मीलाई निराश बनाउँदै विराट गोल्डकपको उपाधि नजिक पुगेको थियो । थ्रीस्टारले क्वाटरफाइलनमा मछिन्द्रलाई २–१ गोलले र सेमिफाइनलमा विभागीय टिम त्रिभुवन आर्मी क्लबलाई ३–२ गोलले निराश बनाउँदै फाइनलमा पुगेको हो ।

विराट गोल्डकपको पहिलोपटक फाइनलमा पुगेको चर्च ब्वाइजले एनआरटी र नेपाल पुलिसलाई हराउँदै फाइनलमा प्रवेश गरेको थियो । चर्च ब्वाईजले क्वाटरफाइलमा एनआरटीलाई २–० ले र सेमिफाइनलमा पुलिसलाई १–० गोलले हराएर फाइनलमा स्थान पक्का गरेको थियो ।

प्रतियोगिताको म्यान अफ दी म्याच चर्च ब्वाइजका कप्तान एकराज बुढाथोकी घोषित भए । उनले नगद ११ हजार पाए । विधागत पुरस्कारमा थ्रीस्टारको वर्चश्व कायम रहयो ।

उत्कृष्ट प्रशिक्षकमा थ्रीस्टारका गणेश खड्का घोषित भए । त्यसैगरी बेस्ट गोलकिपर थ्रीस्टारका विवेक मगर, हाइस्कोर थ्रीस्टारका दिपेश घले घोषित भए । प्रतियोगिताभरि उनले २ गोल गरेका थिए । उनीहरुले जनही नगद १५ हजार पाए । बेस्ट प्लेर अफ दी टुर्नामेन्ट थ्रीस्टारका खेमराज श्रेष्ठ घोषित भए । उनले नगद ५१ हजार पाए ।

फागुन १९ गतेबाट सुरु भएको गोल्डकपमा दुई विदेशीसहित १० टिमको सहभागिता रहेको थियो । विजेता हुने टिमलाई कोशी प्रदेशका मुख्यमन्त्री हिक्मतकुमार कार्की, विराट गोल्डकपको संयोजक नवीन रिजालगायतले पुरस्कार वितरण गरेका थिए ।

 

तपाइको प्रतिक्रिया
सीओपीडी रोगको जोखिम र समयमै उपचारबारे जनचेतना र्‍याली
गौरको कानुपट्टी सीमा क्षेत्रबाट ९ एमएमका २७ थान गोली बरामद
कार्कीको रिटमा सर्वोच्चमा प्रारम्भिक सुनुवाइ हुँदै
राष्ट्रिय आविष्कार केन्द्रबाट कम्प्युटर चोरी, सीसीटीभीमा कैद भयो घटना
पाँच स्थानीय तह भूमिसम्बन्धी समस्यामुक्त घोषणा
रुसमा सैन्य कार्गो विमान दुर्घटना, चालक दलसहित १९ जनाको मृत्यु
एनपिएलमा अनलाइन सट्टेबाजी गरेको आरोपमा भारतीय नागरिक पक्राउ  
विराटनगरलाई लजिस्टिक हब बनाउन कार्गो रेल सञ्चालनमा जोड
मोरङ र उदयपुरमा दुर्घटना : तीन जना घाइते, दुईको अवस्था गम्भीर
स्थानीय चुनावको तयारीमा एमाले, बुधबारदेखि राष्ट्रिय भेला
© 2024 Muluki Khabar. All Rights Reserved. Design & Develop By: Indesign Media Pvt. Ltd.