चैत ७ गतेदेखि १७ औं धर्मश्री प्रतियोगिता हुँदै 

Share this
778shares
मुलुकी खबर
मुलुकी खबर
clock२०८१ चैत ४, सोमबार १९:३४

काठमाडौं । नेपालको जेठो व्यायामशाला नेपाल व्यायाम मन्दिरको आयोजनामा १७ औं धर्मश्री शारीरिक सुगठन प्रतियोगिता हुने भएको छ । 

आयोजकले सोमबार काठमाडौंमा पत्रकार सम्मेलन गर्दै चैत ७ देखि ९ गतेसम्म काठमाडौंमा हुने धर्मश्री शारीरिक सुगठन प्रतियोगिताको सम्पूर्ण तयारी पूरा भएको जानकारी दिएको छ । 

कूल ५२ लाख ६० हजार पुरस्कार राशि रहेको प्रथम पीएल सिंह मेन्स स्पोर्ट्स फिजिक्स १७० सेमी ओभर / अण्डर, प्रथम वोमेन्स बडी बिल्डिङ ओपन र ५० वर्षमाथिका मास्टर खुला राष्ट्र व्यापी शारीरिक सुगठन प्रतियोगिता हुनेछ । 

प्रतियोगितामा विभिन्न ६ तौल समूह विभाजन गरिएको छ । प्रतियोगितामा ६०, ६५, ७०, ७५, ८० र ८० किलोग्रामभन्दा माथिका तौल समूहमा प्रतिस्पर्धा हुनेछ ।

प्रतियोगितामा करिब ६ सय खेलाडीहरूको सहभागिता रहने आयोजकले बताएको छ । जसमध्ये प्रत्येक तौल समूहबाट अन्तिम चरणका लागि ६ जना खेलाडी छनौट हुनेछन् ।

प्रत्येक तौल समूहको विजेताबीच ओभरअलमा मिस्टर धर्मश्रीका लागि प्रतिस्पर्धा गराइने छ ।

जसका विजेताले ११ किलो वजन रहेको ट्रफीसहित नगद १२ लाख प्राप्त गर्ने छन् । दोस्रो हुनेले ६ लाख, तेस्रो हुनेले ३ लाख, चौथो हुनेले २ लाख, पाँचौँ हुनेले १ लाख ८० हजार र छैठौं हुनेले १ लाख ५० हजार रुपैयाँ प्राप्त गर्नेछन् । 

त्यसैगरी, तौल समूहमा दोस्रो, तेस्रो, चौथो, पाँचौ र छैठौं हुनेले क्रमशः ५० हजार, ४० हजार, ३० हजार, २० हजार र १५ हजार प्राप्त गर्ने नेपाल व्यायाम मन्दिरका अध्यक्ष नारायण प्रधानले जानकारी दिए । 

त्यस्तै, मेन्स एथ्लेटिक फिजिक ओभर र अन्डर तथा वोमेन्स बडी बिल्डिङको विजेताले समान २ लाख र उपविजेताले समान १ लाख नगद पाउने छन् । तेस्रोले ७० हजार चौथोले ५० हजार, पाँचौले ४० हजार तथा छैटौंले ३० हजार प्राप्त गर्नेछन् ।

५० वर्षभन्दा माथिका खुला मास्टर विजेताले नगद १ लाख पाउने छन् भने दोस्रोले ५० हजार, तेस्रोले ३० हजार, चौथोले २५ हजार, पाँचौंले १५ हजार र छैटौंले १० हजार हात पार्ने छन् ।

यस पटक सबै विधाको शीर्ष ६ सम्म बन्ने खेलाडीलाई नगद पुरस्कार राशिको व्यवस्था गरिएको आयोजकले जनाएको छ ।

यसपटक मेन्स फिजिक प्रतियोगितालाई काठमाडौं महानगरपालिकाका पूर्व मेयर स्व. पीएल सिंहको नाममा पीएल सिंह मेन्स फिजिक प्रतियोगिता नाम राखिएको हो । चैत ७ गते वेइङ, चैत ८ गते प्रि–जिजङ तथा ९ गते अन्तिम चरणको प्रतिस्पर्धा हुने अध्यक्ष प्रधानले बताए । 

नेपालको शारीरिक सुगठन खेलको विकास तथा विस्तार गर्ने उद्देश्यले राष्ट्र, राष्ट्रियता र लोकतन्त्रका लागि आफ्नो अमूल्य जीवनको आहुती दिने अमर सहिद धर्मभक्त माथेमाको स्मृतिमा २०४२ सालदेखि यो प्रतियोगिता आयोजना हुँदै अध्यक्ष प्रधानले बताए । १६औं संस्करणमा उमेश राईले धर्मश्री उपाधि जितेका थिए ।

तपाइको प्रतिक्रिया
सीओपीडी रोगको जोखिम र समयमै उपचारबारे जनचेतना र्‍याली
गौरको कानुपट्टी सीमा क्षेत्रबाट ९ एमएमका २७ थान गोली बरामद
कार्कीको रिटमा सर्वोच्चमा प्रारम्भिक सुनुवाइ हुँदै
राष्ट्रिय आविष्कार केन्द्रबाट कम्प्युटर चोरी, सीसीटीभीमा कैद भयो घटना
पाँच स्थानीय तह भूमिसम्बन्धी समस्यामुक्त घोषणा
रुसमा सैन्य कार्गो विमान दुर्घटना, चालक दलसहित १९ जनाको मृत्यु
एनपिएलमा अनलाइन सट्टेबाजी गरेको आरोपमा भारतीय नागरिक पक्राउ  
विराटनगरलाई लजिस्टिक हब बनाउन कार्गो रेल सञ्चालनमा जोड
मोरङ र उदयपुरमा दुर्घटना : तीन जना घाइते, दुईको अवस्था गम्भीर
स्थानीय चुनावको तयारीमा एमाले, बुधबारदेखि राष्ट्रिय भेला
© 2024 Muluki Khabar. All Rights Reserved. Design & Develop By: Indesign Media Pvt. Ltd.