
काठमाडौं । सांसद माया राईलाई सहकारी ठगी प्रकरण र संगठित अपराधको कसुरमा थप ५ दिन हिरासतमा राख्न अदालतले अनुमति दिएको छ ।
शुक्रबार जिल्ला अदालत काठमाडौंले सांसद राईमाथि अनुसन्धानका लागि थप ५ दिनको म्याद थपेको प्रहरीले जनाएको छ ।
नेपाली कांग्रेसकी सांसद माया राईलाई यसअघि ३ दिन हिरासतमा राखेर अनुसन्धान गर्न अदालतले अनुमति दिएको थियो । उनी १३ वैशाखमा पक्राउ परेकी थिइन् ।
राईमाथि स्वर्णलक्ष्मी बचत तथा ऋण सहकारी संस्थाको रकम अपचलनमा गरेको आरोप छ ।

























