
काठमाडौं । रोजगारीका लागि कुवेत पठाइदिन्छु भन्दै ठगी गरेको आरोपमा प्रहरीले काठमाडौं महानगरपालिका–३२ बस्ने सप्तरीका २७ वर्षीय अशोक कुमार साहुलाई पक्राउ गरेको छ ।
अशोकले कुवेत पठाइदिन्छु भन्दै १ जना पीडितबाट ४ लाख रुपैयाँ लिई सम्पर्कविहीन भएको भन्ने पीडितको उजुरीको आधारमा काठमाडौँ उपत्यका अपराध अनुसन्धान कार्यालय टेकुबाट खटिएको प्रहरीले उनलाई काठमाडौँ महानगरपालिका–३२ बाट पक्राउ गरेको हो ।
उनलाई आवश्यक अनुसन्धान तथा कारबाहीको लागी वैदेशिक रोजगार विभाग ताहाचल पठाइएको प्रहरीले जनाएको छ ।

























