माेरङमा जिस्कदा जिस्किदै ग्रील सञ्चालकले काटिदिए बालकको लिङ्ग

Share this
703shares
मुलुकी खबर
मुलुकी खबर
clock२०८२ जेठ २१, बुधबार ०९:२२
फाइल तस्बिर

विराटनगर । मोरङमा एक व्यक्तिले जिस्किने क्रममा ७ वर्षीय बालकको लिङ्ग काटिदिएका छन् ।

सोमबार बेलुका मोरङ पथरीशनिश्चरे नगरपालिका– ६ का ४८ वर्षीय महेश चौधरीले फलाम काट्ने ग्रेन्डरले बालकको लिङ्गकाे टुप्पाे काटिदिएका हुन् ।

महेश ग्रील पसल सञ्चालन गर्छन् । ग्रेन्डरमा ग्रेन ब्लेड जडान गरी जिस्किने क्रममा उनले सोही स्थानका किरण चौधरीका ७ वर्षीय छोराको लिङ्ग काटेका हुन् ।  घटनापछि बालकलाई उपचारका लागि नोबेल मेडिकल कलेजमा भर्ना गरिएको छ ।

उनको अवस्था सामान्य रहेको मोरङ प्रहरी प्रवक्ता डिएसपी बेदप्रकाश जोशीले जानकारी दिए ।

प्रहरीका अनुसार महेश चौधरीले नै बालकलाई उपचारका लागि लिएर आएका हुन् । बालकको लिङ्गको टुप्पोको केही भाग काटिएको थियो ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.