
काठमाडौं । नेपाल प्रिमियर लिग (एनपीएल) को दोस्रो संस्करणको खेलाडी अक्सन साउन २४ गते हुने भएको छ । नेपाल क्रिकेट संघ (क्यान)ले दर्ता प्रक्रिया पूरा भएका कारण साउन २४ गते दोस्रो चरणको अक्सन हुने बताएको हो ।
क्यानका अनुसार दर्ता प्रक्रीयामा ४५८ नेपाली क्रिकेटरले नाम दर्ता गरेका छन् ।
क्यानका अनुसार दर्ता भएका खेलाडीहरुको विवरण आठ फ्रेन्चाइज टोलीलाई उपलब्ध गराइनेछ ।
प्राविधिक समितिले तोकेको मापदण्ड र टोलीको प्राथमिकताअनुसार अक्सनमा सहभागी हुने अन्तिम खेलाडी सूची सार्वजनिक हुनेछ । यसअघि आठ वटै टोलीले आ–आफ्ना रिटेन लिस्ट सार्वजनिक गरिसकेका थिए ।

























