खेलकुद महासंघको निष्कर्ष, ‘ओली बिना एमाले सम्भव छैन’

Share this
695shares
मुलुकी खबर
मुलुकी खबर
clock२०८२ साउन १६, शुक्रबार ११:१५

काठमाडौं । नेकपा (एमाले)को जनसंगठन नेपाल खेलकुद महासंघले पार्टी अध्यक्ष केपी शर्मा ओलीको नेतृत्वलाई अविभाज्य मान्दै एमालेमा ओलीको विकल्प नरहेको ठहर गरेको छ ।

महासंघको नवौं केन्द्रीय पदाधिकारी बैठकले ‘समृद्ध नेपाल, सुखी नेपाली’को राष्ट्रिय आकांक्षा साकार पार्न ओलीकै नेतृत्व अपरिहार्य रहेको निष्कर्ष निकालेको हो । मध्यबानेश्वरस्थित महासंघको केन्द्रीय कार्यालयमा बसेको बैठकले समकालीन राजनीतिक परिदृश्यमा एमालेबिना मुलुकको रुपान्तरण सम्भव नरहेको र एमाले अध्यक्ष ओली बिना पार्टीको राजनीतिक दिशा तय हुन नसक्ने ठहर गर्दै ओली नेतृत्वप्रति पूर्ण प्रतिबद्धता जनाएको छ ।

बैठकमा एमाले नवौं केन्द्रीय महाधिवेशनले जारी गरेको अन्तर पार्टी निर्देशन (अपानि)लाई तल्लो तहसम्म कार्यान्वयन गर्न संगठनात्मक सर्कुलर पठाउने निर्णय पनि भएको छ । महासंघ अध्यक्ष पर्शुराम बस्नेतको अध्यक्षतामा सम्पन्न बैठकले राष्ट्रिय खेलकुद नीति तथा विधि सम्बन्धमा स्पष्ट धारणा बनाउने उद्देश्यले उपाध्यक्ष धर्मकुमार श्रेष्ठको संयोजकत्वमा ३ सदस्यीय अध्ययन उपसमिति गठन गरेको छ ।

उपसमितिल्े राष्ट्रिय खेलकुद ऐनका विविध पक्षमा अध्ययन गरी महासंघको औपचारिक धारणा तयार गर्नेछ । महासंघको आगामी दोस्रो केन्द्रीय सचिवालय बैठक भदौ २२ गते र पाँचौं केन्द्रीय कमिटी बैठक भदौ १३ गते काठमाडौंमा नै हुने महासंघका कोषाध्यक्ष तथा प्रवक्ता उज्वल सुवेदीले बताए ।

सुवेदीका अनुसार महासंघको स्थापना दिवस मंसिर १४ गते विभिन्न घटक खेल संघहरू समन्वयमा बृहत् खेलकुद प्रतियोगिता आयोजना गरिनेछ । साथै, मातहतका सबै कमिटीलाई अनिवार्य रूपमा कम्तीमा १ खेलकुद प्रतियोगिता आयोजना गर्न निर्देशन दिइएको छ ।

बैठकपछि अध्यक्ष बस्नेत, महासंघ इञ्चार्ज जगन्नाथ थपलिया, एमाले बागमती प्रदेश अध्यक्ष कैलाश ढुंगेललगायतको ढुङ्गेललगायतको टोलीले एमाले अध्यक्षसमेत रहेका प्रधानमन्त्री ओलीसँग भेट गरी बैठकका निर्णयहरू, भावी गतिविधि योजना र खेलकुद क्षेत्रको सरोकारबारे जानकारी गराएको थियो । महासंघको यस किसिमको ठहरलाई ओली नेतृत्वको सुदृढीकरण अभियानको हिस्सा मानिएको छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.