अष्ट्रियाको इन्स्ब्रुकमा भलिबल प्रतियोगिता हुँदै 

Share this
686shares
मुलुकी खबर
मुलुकी खबर
clock२०८२ साउन १६, शुक्रबार १६:४३

विराटनगर । अस्ट्रियाको इन्स्ब्रुकमा ‘तेस्रो नेप्लिज युरोपियन भलिबल’ प्रतियोगिता भदौको पहिलो हप्ता हुने भएको छ ।

‘स्वास्थ्य र अनुशासनका लागि खेलकुद’ भन्ने मूल नाराका साथ नेपाल युरोपियन स्पोर्ट क्लब (एनइएससी) ले भदौ ७ गते (अगस्ट २४, २०२५) अस्ट्रियाको इन्स्ब्रुकमा भलिबल प्रतियोगिताको आयोजना गर्न लागेको हो ।

युरोपभरि रहेका नेपाली समुदायबीच आपसी भाइचारा, भेटघाट र सद्भाव अभिवृद्धि गर्ने उद्देश्यले प्रतियोगिता आयोजना गर्दै आएको एनइएससीका अध्यक्ष दिलकुमार घमालले जानकारी दिए ।

उनका अनुसार ३ वर्षदेखि आयोजना गर्दै आएको प्रतियोगितामा युरोपका विभिन्न देशका नेपाली भलिबल क्लबहरूको सहभागिता हुने गरेको छ ।

प्रतियोगितामा जर्मनीको नेपाल भलिबल क्लब ह्याम्बर्ग, स्विट्जरल्यान्डको हिमालयन स्पोर्ट्स टिम, फिनल्यान्डको हिमालयन स्पोर्ट्स क्लब, नमो बुद्ध स्पोर्ट क्लब र साल्जबर्गको नेपाल कल्चर स्पोर्ट क्लब, नेपाल युरोपियन स्पोर्ट क्लब (एनइएससी) ले अहिलेसम्म सहभागिता हुने बताए पनि केही टोली सहभागिताका लागि सम्पर्कमा रहेको घमालले जानकारी दिए ।

प्रतियोगिताको विजेताले ४ सय ५ युरो, उपविजेताले २ सय ५ युरो, ट्रफी, मेडल र प्रमाणपत्र प्राप्त गर्ने छन् । तेस्रो हुने टोलीले कप र बल प्राप्त गर्ने छन् ।

एनइएससीका उपाध्यक्ष ख्याम विश्वकर्माले नेपाली समुदायका युवा तथा खेलप्रेमीहरूलाई खेलमार्फत सकारात्मक ऊर्जा र जीवनशैलीतर्फ आकर्षित गर्नुपर्नेमा जोड दिए ।

‘खेलकुद भनेको अनुशासन, परिश्रम र समर्पणको माध्यम हो,’ उनले भने, ‘हामीले भलिबल जस्ता खेलहरूलाई मनोरञ्जनको माध्यम मात्र नभई सामाजिक एकताको आधार बनाउन खोजेका हौँ ।’

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.