
विराटनगर । नेपाली बजारमा सुनचाँदीको मूल्यमा निरन्तर गिरावट आइरहेको छ ।
केही दिनयता सुनचाँदीको मूल्य घटिरहेको हो । सुन प्रतितोला करिब २ लाखनजिक पुगेको थियो । सुनको मूल्यमा आज (मंगलबार) तोलाको १ हजार ३ सय रूपैयाँले घटेको छ ।
मूल्यमा गिरावट आएसँगै सुन प्रतितोला १ लाख ९६ हजार ८ सय रूपैयाँमा कारोबार भइरहेको छ । सोमबार तोलाको १ लाख ९८ हजार १ सय रूपैयाँ थियो ।
त्यस्तै, चाँदीको मूल्य पनि तोलाको १० रूपैयाँले घटेको छ । भाउ घटेसँगै चाँदीको मूल्य प्रतितोला २ हजार ३ सय ५ रूपैयाँ कायम भएको छ । सोमबार प्रतितोला २ हजार ३ सय १५ रूपैयाँ थियो ।

























