भारतलाई थप २ सय मेगावाट बिजुली निर्यात गर्ने अनुमति

Share this
665shares
मुलुकी खबर
मुलुकी खबर
clock२०८२ साउन २७, मंगलबार १३:५५

काठमाडौं । नेपालबाट भारतमा थप २ सय मेगावाट विद्युत निर्यात गर्न भारत सरकारले सहमति दिएको छ ।

नेपाल विद्युत प्राधिकरणका अनुसार ५ जलविद्युत् आयोजनाबाट उत्पादित बिजुली आयात गर्न भारतले अनुमति दिएको हो । यसअघि भारतले नेपालबाट ८ सय १० दशमलव ९ मेगावाट विद्युत खरिदको स्वीकृति दिएको थियो ।

नयाँ अनुमतिसँगै भारततर्फको कुल निर्यात क्षमता १ हजार ११ मेगावाट पुगेको छ । नेपालले बंगलादेशलाई समेत ४० मेगावाट विद्युत निर्यात गर्दै आएको छ । जसअनुसार कुल विद्युत निर्यात स्वीकृति १ हजार ५० दशमलव ९ मेगावाट पुगेको प्राधिकरणले जनाएको छ ।

नयाँ स्वीकृति प्राप्त २ सय मेगावाट विद्युत निर्यात अनुमति आगामी ३१ अक्टोबरसम्म कायम रहनेछ । यसअन्तर्गत लिखु–२, लिखु खोला–ए, लोअर सोलु, ठूलो खोला, सुपर काबेली खोला–ए र सुपर काबेली खोलाबाट उत्पादित बिजुली भारत पठाइनेछ ।

गत आर्थिक वर्ष २०८१–८२ मा भारतलाई विद्युत निर्यात गरेर नेपालले १७ अर्ब ४७ करोड रुपैयाँ आम्दानी गरेको थियो । प्राधिकरणका अनुसार यसपटक थप निर्यात स्वीकृति मिलेकाले यो आर्थिक वर्षमा निर्यात आम्दानी दोब्बर हुने अनुमान गरिएको छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.