नेम्वाङविरुद्ध दायर भएको रिट खारेज 

Share this
709shares
मुलुकी खबर
मुलुकी खबर
clock२०८२ साउन २९, बिहीबार १५:२५
नेम्वाङविरुद्ध दायर भएको रिट खारेज 

काठमाडौं । अखिल नेपाल फुटबल संघका अध्यक्ष पंकजविक्रम नेम्वाङविरुद्ध दायर गरिएको अवहेलना र उत्प्रेषणको रिट उच्च अदालत पाटनले खारेज गरिदिएको छ ।

अदालतका न्यायाधीश ऋषिराज भण्डारी र प्रकाश खरेलको इजलासले काठमाडौं महानगरपालिका –४ का गौरव थापाले दायर गरेको मुद्दालाई खारेजी गरेको हो ।

नेपाली फुटबलको सर्वोच्च निकाय एन्फाका अध्यक्ष नेम्वाङविरुद्द थापाले गएको वैशाख २३ गते उत्प्रेषण र जेठ २ गते अवहेलनाको मुद्दा दायर गरेका थिए ।

थापाले दायर गरेको अवहेलना मुद्दा सुरु क्षेत्राधिकार दुनियाँवादी फौजदारी किसिमको रहेको थियो । त्यसैगरी, अदालतले गत असार ४ गते एन्फाका पूर्व अध्यक्ष गणेश थापाले दायर गरेको अवहेलनाको मुद्दा पनि दाबी नपुग्ने फैसला गरेको थियो ।

अध्यक्ष नेम्वाङविरुद्ध पूर्व अध्यक्ष थापाले गत वैशाख १९ गते उत्प्रेषण र वैशाख ३१ गते अवहेलनाको मुद्दा दायर गरेका थिए ।

सो मुद्दामा न्यायाधीशद्वय मुनेन्द्रप्रसाद अवस्थी र कृष्णराज कोइरालाले दाबी नपुग्ने फैसला गरेका थिए । पूर्व अध्यक्ष थापा यसअघि १० वर्ष फिफाको कारबाहीमा परेर केही महिनाअघि फुकुवा भएका हुन् ।

नेपाली फुटबलमा भएको भ्रष्टाचार अभियोगमा उनी विरुद्ध करिब ४ वर्ष अनुसन्धानपछि २०७२ सालमा कारबाही भएको थियो । फिफाको इथिक्स कमिटीले सन् २००९ र २०११ म भएको फिफा कार्यसमिति निर्वाचनमा एसियाली प्रतिनिधि चयन गर्ने क्रममा रकम लिएको आरोप रहेको थियो ।

सो क्रममा कमिटीले थापासँग १९ हजार ८ सय ५० अमेरिकी डलर जरिवानाको समेत निर्णय गरेको थियो । मुद्दा दायर गर्ने गौरव थापा पूर्व अध्यक्ष गणेशका छोरा हुन् ।

अर्काेतर्फ, अध्यक्ष नेम्वाङले सत्यको जित हुने बताएका छन् । फुटबलको विकासमा एन्फाको टोली खटिएको बताउँदै उनले पछिल्लो समय गलत भाष्यबाट फुटबललाई कमजोर बनाउने कार्य हुँदै गएको बताए ।

यससँगै उनले नेपाली फुटबलको विकासमा सबै एकजुट भएर सहकार्य गर्दै अघि बढ्नुपर्नेमा जोड दिए ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.